Восьтӧм 6:12 - Коми Библия 2023

¹² Кор Баля жугӧдіс квайтӧд печатьсӧ, ме аддзи, мый муыс кутіс ёна вӧрны, шондіыс пемдіс да лои сьӧд дӧра кодь, а тӧлысьыс лои вир гӧрд рӧма.

Восьтӧм 6:12 Iomraidhean Croise

Исай 24:23

Кор Господь Саваоф кутас ӧксыавны Сион керӧс вылын, Ерусалимын, да восьтас Ассьыс дзирдлунсӧ Аслас войтырлӧн юрнуӧдысьяслы, сэки тӧлысь яналас, шонділы лоӧ юръяндзим.

Исай 29:6

Господь Саваоф локтас тэ дінӧ гым да му вӧрӧм моз, ыджыд шыа бушков да гартчан тӧвныр моз, ставсӧ сотысь би моз.

Исай 34:4

Енэжвывса югзьӧданторъяс дзикӧдз сотчасны, енэжыс гартыштчас гижӧд тубрас моз. Енэжвывса став югзьӧданторйыс гылалас, кыдзи гылалӧны виноград пу вылысь коръясыс, кыдзи усьласьӧны инжир пу вылысь косьмӧм коръясыс.

Исай 50:3

Енэжсӧ Ме вевття сап пемыдӧн, сылы вевттьӧднас лоӧ шогалан паськӧм.

Йоиль 2:10

На водзын муыс дзӧрӧ, енэжыс сыркакылӧ. Шондіыс да тӧлысьыс пемдасны, кодзувъяс югӧрсӧ воштасны.

Йоиль 3:15

Шондіыс да тӧлысьыс пемдасны, кодзувъяс югӧрсӧ воштасны.

Амос 1:1

Тайӧ кывъясыс Амослӧн, коді рӧдмӧдіс ыжъясӧс Текояын. Сійӧ аддзыліс Израиль йылысь петкӧдчылӧм, тайӧ вӧлі му вӧрӧмӧдз кык воӧн водзджык. Сэки Иуда муын юраліс Озей ӧксы, а Израиль муын – Еровам ӧксы, Йоаслӧн пиыс.

Амос 8:9

Сійӧ лунӧ, – висьталӧ Господь Ыджыдыс, – Ме тшӧкта шонділы пуксьыны луншӧр кадӧ, лунъюгыднас вевття мусӧ пемыдӧн.

Закар 14:5

Ті котӧрӧн пышъянныд керӧсъяс костӧд тайӧ ковтысӧдыс, коді нюжӧдчас Асилӧдз. Ті понданныд пышйыны на моз, кодъяс иудаса Озей ӧксыалан кадӧ пышйисны му вӧрӧмысь. Сэки локтас Господь, менам Ен, став Аслас вежаяскӧд.

Матвей 11:21

«Курыд шог тэныд, Коразин кар! Курыд шог тэныд, Випсаида кар! Тир да Сидон каръясын кӧ аддзылісны тіянын кодь вӧчӧм шензьӧданаторъяссӧ, сэки эськӧ сэтчӧс олысьясыс важӧн нин бергӧдчисны мыжъяссьыныс, шогалан паськӧм пасьталісны да юрнысӧ пӧимӧн коялісны.

Матвей 24:29

«Регыд тайӧ шог лунъяс бӧрын шондіыс пемдас, тӧлысьыс кусас, енэжысь кодзувъяс усясны, енэжвыв вынъяс вӧрзясны.

Матвей 24:7

Войтыр войтырлы паныд сувтас, муяс ӧта-мӧдныслы паныд кыпӧдчасны. Уналаын лоас му вӧрӧм да тшыгъялӧм, йӧзсӧ суас кулана висьӧм.

Матвей 27:45

Луншӧр кадӧ пемдіс став му пасьталаыс, пемыдыс сулаліс куим часӧдз.

Матвей 27:54

Му вӧрӧмысь да став лоӧмторсӧ аддзӧмысь Исусӧс видзысьяс да налӧн веськӧдлысьыс ёна повзисны да шуисны: «Тайӧ Мортыс збыльысь Ен Пи вӧлӧма».

Матвей 28:2

Виччысьтӧг муыс ёна вӧрзис: Господьлӧн андел лэччис енэжсяньыс. Сійӧ вештіс изсӧ пыранінсьыс да пуксис сы вылӧ.

Марк 15:33

Луншӧр кадӧ пемдіс став му пасьталаыс, пемыдыс сулаліс куим часӧдз.

Восьтӧм 11:13

Дзик пыр муыс кутіс ёна вӧрны, и карыслӧн дасӧд юкӧныс киссис. Му вӧригас куліс сизим сюрс морт, а мукӧдыс ёна повзисны да кутісны ошкыны енэжвывса Енмӧс.

Восьтӧм 16:18

Сэсся кутіс чардавны-гымавны, кылісны гора шыяс, и муыс кутіс ёна вӧрны. Олӧм пуксьӧмсяньыс та ыджда му вӧрӧмыс некор на эз вӧвлы!

Восьтӧм 16:8

Нёльӧд анделыс кисьтіс ассьыс чашасӧ шонді вылӧ, и шондіыслы вӧлі сетӧма вын сотны йӧзсӧ биӧн.

Восьтӧм 8:12

Кор нёльӧд анделыс тутсіс трубаӧ, шонділӧн, тӧлысьлӧн да кодзувъяслӧн коймӧд юкӧныс кусіс, налӧн коймӧд юкӧныс пемдіс. Та вӧсна луныслӧн да войыслӧн коймӧд юкӧныс вӧлі пемыд.

Восьтӧм 8:5

Сэсся андел босьтіс тшынӧдчан доз, пуктіс сэтчӧ висьпуктанінысь бисӧ да шыбитіс сійӧс му вылӧ. Сэні кылісны гора шыяс, чардаліс-гымаліс, да муыс вӧрис.