Восьтӧм 22:1 - Коми Библия 2023

¹ Сэсся андел петкӧдліс меным ю, сэні визувтіс сӧстӧм ловъя ва. Сійӧ вӧлі крусталь кодь югыд. Ваыс петіс Енлӧн да Балялӧн юралан пуклӧссянь.

Восьтӧм 22:1 Iomraidhean Croise

Псалтыр 46:4

Сійӧ сетіс миян кипод улӧ войтыръясӧс, пуктіс найӧс миян кок улӧ.

Исай 41:18

Ме вӧча тадзи: изъя керӧсъяссянь визувтасны юяс, ковтысъясын воссясны ва петанінъяс. Кушин Ме вӧча тыӧн, кос му – ва петанінӧн.

Исай 48:18

Тэ кӧ олін Менам тшӧктӧмъясӧй серти, сэки эськӧ тэнад лӧньлуныд ю моз визувтіс, веськыдлуныд саридзвыв гыяс кодь вӧлі,

Исай 66:12

Господь тадзи висьталӧ: – Юӧс моз Ме веськӧда Ерусалимлы бур олӧмсӧ, мӧдӧда сылы войтыръяслысь озырлунсӧ ойдӧм ва моз. Сійӧ вердас тіянӧс пӧттӧдзныд, пондас новлӧдлыны ки вылас, лелькуйтны пидзӧс вылас.

Еремей 17:13

Господьӧй, Тэ – Израильлӧн лачаыс! Тэнӧ эновтысьяс ставныс яналасны, Тэысь кежысьяс бырасны бус вылӧ гижӧм нимъяс моз, ӧд найӧ эновтісны Господьӧс, ловъя ва петанінсӧ.

Еремей 2:13

Менам войтырӧй вӧчис кык лёктор: эновтіс Менӧ, ловъя ва петанінсӧ, да кодйис аслыс буждысь юкмӧсъяс, кодъяс оз вермыны ва кутны.

Закар 14:8

Сійӧ лунӧ Ерусалимсянь пондас визувтны ловъя ва. Визулыс юксяс кык пельӧ: ӧтиыс визувтас асыввыв саридзӧ, мӧдыс – рытыввыв саридзӧ. Ваыс кутас визувтны тӧв и гожӧм.

Иоан 13:32

Енлӧн дзирдлуныс кӧ воссис Пиыс пыр, сэки Енмыс Ас пытшкас восьтас Пиыслысь дзирдлунсӧ. Тайӧ лоӧ регыд нин.

Иоан 15:26

Ме мӧдӧда тіянлы Батьсянь Дорйысьӧс, Сійӧ – Збыльыслӧн Лолыс. Сійӧ локтас Батьсянь да висьталас Ме йылысь.

Иоан 4:14

Но Ме сета ва, и коді кутас юны тайӧ васӧ, сылӧн горшыс некор оз кут косьмыны. Ваыс, кодӧс Ме сета сылы, лоӧ сы пытшкын помтӧм олӧмӧ визувтысь дзулькйӧн».

Ап. уджъяс 2:33

Енмыс кыпӧдіс Сійӧс да пуксьӧдіс веськыдладорас. Батьсяньыс Сійӧ сибӧдіс кӧсйысьӧм Вежа Лолӧс да кисьтіс миян вылӧ, кыдзи ті ӧні аддзанныд да кыланныд.

Восьтӧм 1:1

Тайӧ – Исус Кристослы Енсянь восьтӧм. Тайӧн Енмыс петкӧдліс Аслас кесйӧгъяслы, мый колӧ лоны регыдъя кадӧ. Аслас андел пыр Кристос восьтіс тайӧс Аслас Иоан кесйӧглы.

Восьтӧм 21:11

Сійӧ югъяліс Ен дзирдлунӧн да дзирдаліс дона из моз, югъялысь яшма моз.

Восьтӧм 21:6

Сійӧ шуис меным: «Ставсӧ вӧчӧма! Ме эм Альфа и Омега, Панасыс и Помыс. Кодлӧн косьмӧ горшыс, сійӧс дон босьттӧг юктӧда ваӧн, коді визувтӧ ловъя ва петанінысь.

Восьтӧм 21:9

Ме дінӧ матыстчис андел. Сійӧ вӧлі сизим андел пӧвстысь, кодъяслӧн вӧлі сизим чаша бӧръя сизим бырӧданторнас. Андел шуис меным: «Лок татчӧ, ме петкӧдла тэныд Балялысь гӧтырпусӧ, коді лоас Сылы гӧтырӧн!»

Восьтӧм 22:17

Лов да гӧтырпу шуӧны: «Лок!» Тайӧс кылысь мед тшӧтш шуӧ: «Лок!» Кодлӧн косьмӧ горшыс, мед локтӧ! Коді кӧсйӧ юны, мед босьтӧ ловъя васӧ дон мынтытӧг.

Восьтӧм 22:6

Андел шуис меным: «Тайӧ кывъясыс веськыдӧсь да збыльӧсь. Вежа пророкъяслӧн Господь Ен мӧдӧдіс Ассьыс анделсӧ, медым петкӧдлыны Аслас кесйӧгъяслы, мый колӧ лоны регыдъя кадӧ».

Восьтӧм 3:21

Ме лои Вермысьӧн да пукси Аслам Батькӧд орччӧн Сылӧн пуклӧсӧ. Сідзкӧ, вермысьӧс ме тшӧтш пуксьӧда Аскӧд орччӧн Менам пуклӧсӧ.

Восьтӧм 5:13

Ме кылі, мый став олысьыс енэжас, му вылас, му пыдӧсас да саридзас шуалісны: – Юралан пуклӧсын Пукалысьлы да Балялы ошкӧм-нимӧдӧмыс, дзирдлуныс да ыджыдалӧмыс нэмъяс чӧж!

Восьтӧм 5:6

Сэсся ме видзӧдлі да аддзи Баляӧс. Сійӧ сулаліс юралан пуклӧс водзын, нёль ловъя олысь да юрнуӧдысьяс шӧрын. Балясӧ вӧлі быттьӧ начкӧма. Сылӧн вӧлі сизим сюр да сизим син. Сизим синмыс – тайӧ Енлӧн сизим лолыс, кодъясӧс мӧдӧдӧма став му пасьталаыс.

Восьтӧм 7:17

Ӧд Баляыс, пуклӧс водзын Сулалысьыс, кутас видзны найӧс, Сійӧ вайӧдас найӧс ловъя ва петанінӧ, и Енмыс чышкас налысь став синвасӧ.