Восьтӧм 21:27 - Коми Библия 2023

²⁷ Нинӧм пежыс оз пыр тайӧ карас, некутшӧм пӧръясьысь да зывӧксӧ вӧчысь оз пыр сэтчӧ. Пырасны сӧмын найӧ, кодъяслысь нимсӧ гижӧма Балялӧн небӧгӧ – Олӧмыслӧн небӧгӧ.

Восьтӧм 21:27 Iomraidhean Croise

Псалтыр 101:8

Ме ог вермы узьнысӧ, лои керка вевт вылын пукалысь ӧтка лэбач кодь.

Петӧм 32:32

Прӧстит налысь мыжсӧ, а он кӧ, вушты менсьым нимӧс Аслад небӧгысь».

Исай 35:8

Овтӧминті кутас мунны паськыд туй, сійӧс нимтасны Вежа туйӧн. Пежасьӧм морт оз кут ветлыны сы вывті, сійӧ лоӧ сӧмын Ен войтырлы туйӧн. Сэті мунысьяс, весиг мывкыдтӧмъяс, оз вошны.

Исай 52:1

Садьмы, Сион, чеччы, вевттьысь аслад вынӧн! Ерусалим, вежа кар, пасьтав ассьыд дзирдлуна паськӧмтӧ! Тэнад туйяс вывті оз нин кут ветлыны вундыштчытӧм да пеж оласнога.

Исай 60:21

Тэнад войтырысь ставныс лоӧны веськыда олысьясӧн, налы пыр кежлӧ вичмас тайӧ муыс. Найӧ – Меӧн пуктӧм быдмӧгъяс, Ме вӧчи найӧс Аслам киӧн, медым найӧ ошкисны Менӧ.

Езекиль 44:9

Господь Ыджыдыс тадзи висьталӧ: йӧз муысь локтысьяслы, кодъяс олӧны Израиль войтыр пӧвстын, сьӧлӧмнас да вир-яйнас вундыштчытӧмъяслы, оз позь пырны Менам вежаинӧ.

Йоиль 3:17

– Сэки ті тӧдмаланныд, мый Ме – Господь, тіян Енныд, Ме ола Сионын, Аслам вежа керӧсын. Ерусалим лоӧ вежаинӧн, и мукӧд войтыр сэтчӧ оз пыр.

Левит 13:46

Кытчӧдз мортыс висьӧ проказаӧн, сійӧ пеж. Сылы колӧ овны торйӧн, чомъяс сайын.

Закар 14:21

Ерусалимын да Иуда муын став пӧртсӧ лоӧ вежӧдӧма-торйӧдӧма Господь Саваофлы. Вись вайиганыс йӧзыс босьтасны пӧртъяссӧ да пуасны сэні висьлысь яйсӧ. Сійӧ лунӧ Господь Саваофлӧн крамын оз ло весиг ӧти вузасьысь.

Лыд 12:15

Мирьям оліс чомъяс сайын сизим лун чӧж. Кытчӧдз Мирьям бӧр эз лок, Израиль войтыр эз мӧдӧдчы туйӧ.

Лыд 5:3

Татшӧм айловӧс либӧ аньӧс вӧтлӧй сувтанін сайӧ, медым эз пежав оланінсӧ, кӧні Ме ола тіян пӧвстын».

Матвей 13:41

Морт Пи Ассьыс анделъяссӧ мӧдӧдас чукӧртны Аслас Юраланінысь став ыштӧдысьсӧ да лёк вӧчысьсӧ.

Марк 7:2

Кор найӧ аддзисны, мый Сылӧн велӧдчысьясысь кодсюрӧ сёйӧны няньсӧ мыськытӧм пеж киӧн, кутісны шуасьны на вылӧ.

Лука 10:20

Энӧ нимкодясьӧй сыысь, мый пеж ловъяс кывзысьӧны тіянлысь, а нимкодясьӧй сыысь, мый тіянлысь нимъяснытӧ гижӧма енэжас».

Ефесӧ 5:5

Тӧдӧй, мый Кристослӧн да Енлӧн Юраланіныс оз вичмы ни ӧти кырсалысьлы, пеж оласногалы да горшасьысьлы, коді копрасьӧ озырлунлы Енмыслы пыдди.

Филипӧ 4:3

Кора тэнӧ, эскана уджъёртӧй, отсав тайӧ аньясыслы. Кор ме висьтавлі Бур Юӧрсӧ, найӧ пыр вӧліны мекӧд, кыдзи и Климент да мукӧд уджалысьяс, кодъяслысь нимъяссӧ гижӧма Олӧмыслӧн небӧгӧ.

1 Тимофейлы 1:10

кырсалысьлы да ӧта-мӧдыскӧд узьлысь айуловлы, мортӧн вузасьысьлы, пӧръясьысьлы, ылӧгвисьталысьлы да быдӧнлы, коді паныд сувтӧ веськыд велӧдӧмлы.

Еврейяслы 12:14

Тӧждысьӧй быдӧнкӧд овны лӧня, лоӧй вежаӧсь, ӧд вежалунтӧг некод оз аддзы Господьӧс.

2 Петыр 3:13

Но Енлӧн кӧсйысьӧмыс серти ми виччысям выль енэж да выль му, кӧні кутас ыджыдавны веськыдлун.

Восьтӧм 13:8

Сылы копыртчыласны мувывса став йӧзыс, кодъяслысь нимсӧ му пуксьӧмсяньыс абу гижӧма начкӧм Балялӧн небӧгӧ – Олӧмыслӧн небӧгӧ.

Восьтӧм 20:12

Ме аддзи гырысь да ичӧт кулӧмаясӧс, найӧ сулалісны Ен водзын. Сэні вӧліны восьса небӧгъяс. Сэсся восьтісны нӧшта ӧти небӧг – Олӧмыслысь небӧг. Кулӧмаясӧс мыждісны налӧн уджъясныс серти, мый вӧлі гижӧма небӧгъясас.

Восьтӧм 20:15

Быдӧнӧс, кодлысь нимсӧ эз вӧв гижӧма Олӧмыслӧн небӧгӧ, шыбитісны биа тыӧ.

Восьтӧм 21:8

Полысьясӧс, эскытӧмъясӧс, зывӧк оласногаясӧс, морт виысьясӧс, кырсалысьясӧс, тшыкӧдчысьясӧс, идоллы юрбитысьясӧс да став ылӧдчысьсӧ лоӧ шыбитӧма биӧн да тэгйӧн сотчысь тыӧ. Тайӧ мӧд кулӧм».

Восьтӧм 3:5

Вермысь пасьтасяс еджыд паськӧмӧ, и сылысь нимсӧ Ме ог вушты Олӧмыслӧн небӧгысь. Аслам Бать водзын да Енлӧн анделъяс водзын Ме висьтала, мый сійӧ – Менам.