Восьтӧм 20:1 - Коми Библия 2023

¹ Ме аддзи енэжсянь лэччысь анделӧс. Киас сійӧ кутіс пыдӧстӧминысь восьтансӧ да ыджыд чеп.

Восьтӧм 20:1 Iomraidhean Croise

Лука 8:31

Пеж ловъяс корисны Исусӧс, мед эз ысты найӧс пыдӧстӧминӧ.

2 Петыр 2:4

Мыжӧ усьӧм анделъясӧс Енмыс эз видз, а шыбитіс пемыд адӧ да дорис мыждан лунӧдз.

Иуда 1:6

Анделъясӧс, кодъяс эз донъявны ассьыныс ыджыдалан вынсӧ да эновтісны енэжвывса оланінсӧ, Господь пыр кежлӧ дорис чептӧн да видзӧ сап пемыдас ыджыд мыждан лун кежлӧ.

Восьтӧм 1:18

Ме ловъя. Ме вӧлі кулӧма, но ӧні ловъя нэмъяс чӧж. Аминь. Менам киын адысь да кулӧмысь восьтаныс.

Восьтӧм 10:1

Ме аддзи нӧшта ӧти вына анделӧс, коді лэччис енэжсяньыс. Сійӧс кытшаліс кымӧр, юр весьтас вӧлі ӧшкамӧшка. Сылӧн чужӧмыс вӧлі шонді кодь, а кокыс вӧлі биа сюръяяс кодьӧсь.

Восьтӧм 18:1

Та бӧрын ме аддзи нӧшта ӧти анделӧс, коді лэччис енэжсяньыс. Сылӧн вӧлі ыджыд вын, и муыс ставнас югдіс сылӧн дзирдлунысь.

Восьтӧм 20:3

Андел шыбитіс сійӧс пыдӧстӧминӧ да йигналіс сэтчӧ. А петанінсӧ тупкис печатьӧн, медым гундыр эз пет да эз ылӧдлы войтыръясӧс, кытчӧдз оз помась сюрс воыс. Та бӧрти сійӧс лоӧ лэдзӧма дженьыд кад кежлӧ.