Восьтӧм 18:20 - Коми Библия 2023

²⁰ – Нимкодясь, енэжыс! Нимкодясьӧй, вежа апостолъяс да пророкъяс! Енмыс мыждіс тайӧ карсӧ тіянлы лёк вӧчӧмысь.

Восьтӧм 18:20 Iomraidhean Croise

Псалтыр 48:11

Быдӧн тӧдӧ, мый мывкыдтӧмъяс да вежӧртӧмъяс моз весиг мывкыдаяс кулӧны, ассьыныс эмбурсӧ кольӧны мукӧдлы.

Псалтыр 58:10

Енмӧй, Тэ – менам выныс! Ме виччыся Тэнӧ, ӧд Тэ – менӧ Дорйысьыс.

Псалтыр 94:1

Локтӧй, сьыламӧй Господьлы, кыпыда сьылӧмӧн ошкамӧй Сійӧс, Сійӧ – миян мездмӧмлӧн зумыд подулыс.

Шусьӧгъяс 11:10

Веськыда олысьлы кӧ бур, сэки карыс нимкодясьӧ, лёк вӧчысь кӧ кулӧ, карыс долыда гажӧдчӧ.

Исай 26:21

Со, Господь петӧ Аслас оланінысь, медым мыждыны мувывса олысьясӧс налӧн мыжъясысь. Сэки муыс восьтас йӧзлысь кисьтӧм вирсӧ, оз нин кут дзеблавны виӧмаясӧс.

Исай 44:23

Нимкодясьӧй, енэжъяс, ӧд Господь вӧчис тайӧс. Гораа горӧдӧй, му пыдӧсъяс, гораа нимкодясьӧй, керӧсъяс, нимкодясьӧй, вӧр да вӧрса пуяс, ӧд Господь ньӧбис Яковӧс, Господьӧс лоӧ нимӧдӧма Израильӧс мездӧм пыр.

Исай 49:13

Нимкодясь, енэжыс, гажӧдчы, муыс, гораа нимкодясьӧй, керӧсъяс! Ӧд Господь бурӧдіс Ассьыс войтырсӧ, Сійӧ бурсьӧлӧмтчӧ Аслас коньӧръяс дінӧ.

Софоний 3:15

Господь вештіс тэ вылысь Ассьыс мыждӧмсӧ, Сійӧ вӧтліс тэнӧ мустӧмтысьясӧс. Господь, Израильлӧн Ӧксы, тэ пӧвстын, тэныд оз нин ков повны, мый вӧчасны лёксӧ.

Ефесӧ 2:20

Тіянӧс сувтӧдӧма сійӧ подув вылас, мый пуктісны апостолъяс да пророкъяс. Тайӧ тэчасас пельӧс изйыс – Ачыс Исус Кристос.

Ефесӧ 3:5

Водзын олысьяс эз тӧдлыны тайӧ гусяторйыс йылысь. Ӧні Вежа Лов восьтіс сійӧс Кристослӧн апостолъяслы да пророкъяслы.

Ефесӧ 4:11

Ӧтиясӧс Сійӧ сувтӧдіс апостолъясӧн, мӧдъясӧс – пророкъясӧн, коймӧдъясӧс – буръюӧртысьясӧн, нёльӧдъясӧс – вичкоса веськӧдлысьясӧн, витӧдъясӧс – велӧдысьясӧн,

Индӧд 32:42

Ньӧвъясӧс вирӧн юктӧда, виӧмаяслӧн да пленӧ босьтӧмаяслӧн вирнас. Шыпуртӧй яй ньылыштас, сёяс вӧрӧг юралысьяслысь юрнысӧ.

2 Петыр 3:2

Кутӧй тӧд выланыд вежа пророкъяслысь важысянь шуӧмсӧ да Мездысь Господьлысь апостолъяс пыр сетӧм тшӧктӧмсӧ.

Иуда 1:17

Но ті, мусаяс, энӧ вунӧдӧй миян Господь Исус Кристослӧн апостолъяслысь водзвыв висьталӧмсӧ.

Восьтӧм 12:12

Сідзкӧ, енэжыс да став сэні олысьыс, нимкодясьӧй! Но курыд шог тіянлы, му вылын да саридзын олысьяс, ӧд тіян дінӧ лэччис омӧльыс! Сійӧ тырӧма ыджыд скӧрлунӧн, ӧд сійӧ тӧдӧ, мый сылӧн кадыс этша нин.

Восьтӧм 18:6

Мынтысьӧй сылы сійӧн жӧ, мыйӧн ачыс мынтысис тіянлы. Кык пӧвстӧн мынтысьӧй сылӧн уджъяссьыс. Чашаас, кытысь сійӧ юкталіс тіянӧс, дасьтӧй сылы винасӧ кык пӧв курыдджыкӧс на.

Восьтӧм 6:10

Найӧ гораа горӧдісны: «Вежа да збыль Ыджыдӧй! Кор нин Тэ мыждан мувывса олысьясӧс да перъян налысь водзӧссӧ миян вир вӧсна?»

Ёрдысьяс 5:31

Господьӧй, тадзи мед бырасны Тэнӧ мустӧмтысьяс. Но Господьӧс радейтысьяс мед лоасны шонді кодьӧсь, аслас вынӧн кыпӧдчысь шонді кодьӧсь. Та бӧрын нелямын во чӧж Израиль муын эз вӧвны тышъяс.