Восьтӧм 18:17 - Коми Библия 2023

¹⁷ Но став тайӧ озырлуныс ӧти здукӧн бырис! Сэки саридз вылын кывтысьяс, корабльӧн веськӧдлысьяс, налы отсасьысьяс да вузасьысьяс – ставныс ылыстчисны тайӧ карсьыс.

Восьтӧм 18:17 Iomraidhean Croise

Исай 23:14

Ырзӧмӧн бӧрдӧй, фарсисса корабльяс! Тіянлысь изкарнытӧ жугӧдӧма.

Исай 47:9

Но ӧти лунӧ, тӧдлытӧг, суас тэнӧ ӧтиыс и мӧдыс: тэ воштан челядьтӧ и колян дӧваӧн. Ставыс тайӧ воас тэ вылӧ ыджыд шыӧн, кӧть тэ ёна туналан-кимӧститчан.

Еремей 51:8

Но виччысьтӧг Вавилон усис-киссис. Сыркъялӧмӧн бӧрдӧй сы вӧсна, вайӧй бурдӧдчан вый, медым бурдӧдны сылысь дойяссӧ, гашкӧ, сійӧ бурдас.

Бӧрданкыв 4:6

Менсьым войтырӧс мыждӧма Содомысь чорыдджыка на. Содомӧс вӧлі бырӧдӧма здукӧн, весиг мортлӧн киыс эз инмӧдчыв.

Иона 1:6

Корабльӧн веськӧдлысь локтіс сы дінӧ да шуис: «Мый тэ узян? Чеччы да кевмысь аслад Енлы. Гашкӧ, тӧд вылас усям Сылы да ловйӧн колям».

Ап. уджъяс 27:11

Но сё тышкамортӧн веськӧдлысь Павеллы дорысь ёнджыка эскис корабльвывса ыджыдыслы да корабль нуӧдысьлы.

Восьтӧм 17:12

Дас сюрыс, кодӧс тэ аддзылін, – дас ӧксы, кодъяслы абу на сетӧма ӧксыавны. Но налы лоӧ сетӧма зверыскӧд ӧксыалӧмсӧ, сӧмын оз дыр кад кежлӧ.

Восьтӧм 17:16

Зверыслӧн дас сюрыс, кодъясӧс тэ аддзылін, мустӧмтасны кырсалысь аньӧс. Найӧ мырддясны сылысь ставсӧ да пӧрччӧдасны сы вылысь став паськӧмсӧ, сёясны сылысь вир-яйсӧ да сотасны биын.

Восьтӧм 18:19

Найӧ коялісны юрнысӧ пӧимӧн, шогсисны-бӧрдісны да шуалісны: – Курыд шог тэныд, ыджыд кар! Аслад озырлунӧн тэ озырмӧдін саридз вылын кывтысьясӧс. Ӧти здукӧн тэ воштін ставсӧ!