Восьтӧм 18:13 - Коми Библия 2023

¹³ Некод оз босьт налысь корица да ладан, чӧскыд дука вый да пуысь пычкӧм дона вый, вина да олив вый, пызь да шобді, ыж-мӧскӧс да вӧвъясӧс, тарантасъяс, кесйӧгъясӧс да мукӧд йӧзсӧ.

Восьтӧм 18:13 Iomraidhean Croise

Ӧксыяслӧн 3 небӧг 10:10

Ӧксы-ань козьналіс Соломон ӧксылы сё кызь талант зарни, дона изъяс да унасьыс-уна чӧскыд ӧвтантор. Та мында ӧвтанторйыс, мый саваса ӧксы-ань козьналіс Соломон ӧксылы, Израильын эз на вӧвлы.

Ӧксыяслӧн 3 небӧг 10:15

Таысь ӧтдор вузасьысьяс, ӧксыув муясын юралысьяс да аравияса ӧксыяс мынтылісны сылы вот.

Ӧксыяслӧн 3 небӧг 10:25

Соломон дінӧ волысьяс вайлісны аскӧдныс козинъяс: эзысь-зарниысь вӧчӧм дозмук-кӧлуй, паськӧм, шыпуртъяс, чӧскыд ӧвтанторъяс, вӧвъясӧс да мулъясӧс. Тадзи вӧлі быд во.

1 Каднебӧг 5:21

Найӧ мырддисны вӧрӧглысь ветымын сюрс верблюдӧс, кыксё ветымын сюрс ыжӧс да кык сюрс осёлӧс, нӧшта босьтісны пленӧ сё сюрс мортӧс.

2 Каднебӧг 9:9

Ӧксы-ань козьналіс Соломон ӧксылы сё кызь талант зарни, дона изъяс да унасьыс-уна чӧскыд ӧвтантор. Татшӧм ӧвтанторъясыс, мый саваса ӧксы-ань козьналіс Соломон ӧксылы, Израильын эз на вӧвлыны.

Неемий 5:8

Ме шуи: «Ми сьӧкыда ньӧбим вокъяснымӧс, кодъясӧс вӧлі вузалӧма мукӧд войтыръяслы. А ӧні ті вузаланныд ассьыныд вокъяснытӧ! Миянлы бара ӧмӧй ньӧбны найӧс?» Найӧ чӧв олісны, налы эз сюр воча кыв.

Петӧм 21:16

[Израиль пиян пӧвстысь] мортӧс гусялысьӧс да [кесйӧг туйӧ] вузалысьӧс либӧ ас дінас видзысьӧс мед виасны.

Шусьӧгъяс 7:17

узьланінӧс резі смирнаӧн, алоэӧн да корицаӧн.

Сьылан 1:3

Босьт менӧ киӧд, вай котӧртам! Пырт менӧ аслад вежӧсӧ, ӧксыӧй! Пондам долыда нимкодясьны, вина дорысь ёнджыка ошкыны тэнсьыд муслунтӧ. Оз весьшӧрӧ тэнӧ радейтны.

Сьылан 3:6

– Коді тайӧ, овтӧминысь локтысьыс? Сійӧ локтӧ тшын сюръя моз, ӧвтӧ сысянь смирнаӧн да ладанӧн, ылі муысь вайӧм чӧскыд ӧвтанторйӧн.

Сьылан 5:5

Ме чеччи восьтны мусуклы, менам киысь смирна войталіс, чуньясысь войталіс ӧдзӧс вуг вылӧ.

Исай 50:1

Господь тадзи висьталӧ: – Кӧні тіян мамныдлӧн торйӧдчан гижӧдыс, Ме кӧ эновті сійӧс? Меным водзӧсӧн сетысьяс пӧвстысь кодлы Ме вузалі тіянӧс? Тіянӧс вузалӧма асланыд мыжъясныд вӧсна, лёк вӧчӧмныд вӧсна вӧтлӧма тіянлысь мамнытӧ.

Езекиль 27:13

Яван, Тувал да Мешек тэнсьыд ньӧбасигӧн мынтысьлісны тэныд кесйӧгъясӧн да ыргӧн дозмук-кӧлуйӧн.

Амос 2:6

Господь тадзи висьталӧ: Израиль войтыр мыж бӧрся мыж вӧчисны, та вӧсна Ме ог веж Ассьым мыждана шуӧмӧс. Найӧ ӧд вузалӧны веськыда олысьӧс эзысь сьӧмысь, гӧльӧс – кӧмкот гозйысь.

Амос 6:6

Вись ваян дозйысь ті юанныд вина, мавтчанныд медбур мавтасъясӧн. Но тіянлы веськодь, мый Ӧсиплысь рӧдсӧ суас бырӧдӧм.

Амос 8:6

Тадзи гӧльясӧс ньӧбам эзысь сьӧмысь, коньӧръясӧс – кӧм гозйысь. Нянь пыдди весиг кыдсӧ вузалам».

Индӧд 24:7

Коді гусялас мортӧс аслас Израиль войтыр пӧвстысь да видзас сійӧс кесйӧг туйӧ либӧ вузалас, сійӧс колӧ вины. Бырӧдӧй лёксӧ ас пӧвстсьыныд.

Индӧд 28:68

Господь бӧр бергӧдас тіянӧс Египетӧ корабльяс вылын сійӧ туйӧдыс, мый йылысь ме шулі тіянлы, мый некор сэсся онӧ аддзылӧй сійӧс. Сэні ті ставныд, айулов и аньяс, кутанныд вӧзйыны вӧрӧглы, медым босьтас тіянӧс кесйӧг туйӧ, но некод оз ньӧб тіянӧс».

1 Тимофейлы 1:10

кырсалысьлы да ӧта-мӧдыскӧд узьлысь айуловлы, мортӧн вузасьысьлы, пӧръясьысьлы, ылӧгвисьталысьлы да быдӧнлы, коді паныд сувтӧ веськыд велӧдӧмлы.

2 Петыр 2:3

Медым курыштны мыйкӧ аслыныс, найӧ тывйыштасны тіянӧс мудер сёрнинаныс. Но налы мыждӧмыс важӧн нин дась, найӧс бырӧдӧмыс матын нин.

Восьтӧм 18:14

– Став тэнад сьӧлӧм бурмӧданторйыд бырис, став тэнад озырлуныд да мичлуныд вошис, тайӧ тэнад некор нин оз ло.

Восьтӧм 18:15

Найӧ, кодъяс вузасисны тайӧн ставнас да озырмисны сы помысь, ёна повзясны Вавилон карлӧн мучитчӧмысь да ылыстчасны сыысь. Найӧ кутасны бӧрдны да шогсьыны: