Восьтӧм 17:18 - Коми Библия 2023

¹⁸ Аньыс, кодӧс тэ аддзылін, эм ыджыд кар, мый ыджыдалӧ мувывса ӧксыяс вылын».

Восьтӧм 17:18 Iomraidhean Croise

Даниил 7:23

Сійӧ, кодлысь ме юаси, вочавидзис: «Нёльӧд зверыс висьталӧ нёльӧд юралӧм йылысь, сійӧ кутас торъявны став воддза юралӧмсьыс. Сійӧ пондас косявлыны-ньылавны ставнас мусӧ, талялас да пазӧдас сійӧс.

Лука 2:1

Сійӧ лунъясӧ Римын ыджыдалысь Август кесар тшӧктіс гижавны ас мусьыс став йӧзсӧ.

Восьтӧм 11:8

Налӧн шойясыс кутасны куйлыны ыджыд карлӧн туй вылас. Тайӧ карсӧ позьӧ ӧткодявны Содомкӧд да Египеткӧд, ӧд тайӧ карас вӧлі тувъялӧма налысь Господьӧс.

Восьтӧм 12:4

Бӧжнас сійӧ чышкыштіс енэжсьыс кодзувъяслысь коймӧд юкӧнсӧ да шыбитіс найӧс му вылӧ. Сэсся гундыр сувтіс чужтысь аньлы воча, медым чужтӧм бӧрас сёйны сылысь пузчужӧм кагасӧ.

Восьтӧм 16:19

Сэки ыджыд Вавилон кар киссис куим пельӧ, и мукӧд войтыръяслӧн каръясыс тшӧтш киссисны. Енмыс эз вунӧд ыджыд Вавилон кар йылысь да сетіс сылы юны вина чашаысь, мый вӧлі тырӧма Сылӧн скӧрлунӧн.

Восьтӧм 18:2

Андел зэв гораа горӧдіс: – Киссис, киссис ыджыд Вавилон кар! Сійӧ лоис оланінӧн мутияслы да пеж ловъяслы, лоис позйӧн пеж да зывӧк лэбачьяслы. Аслас кырсалӧм вӧсна сійӧ юктӧдіс войтыръясӧс скӧрлуна винаӧн.