Восьтӧм 16:19 - Коми Библия 2023

¹⁹ Сэки ыджыд Вавилон кар киссис куим пельӧ, и мукӧд войтыръяслӧн каръясыс тшӧтш киссисны. Енмыс эз вунӧд ыджыд Вавилон кар йылысь да сетіс сылы юны вина чашаысь, мый вӧлі тырӧма Сылӧн скӧрлунӧн.

Восьтӧм 16:19 Iomraidhean Croise

Исай 49:26

Тэнӧ нартитысьясӧс Ме пӧткӧда налӧн жӧ вир-яйнас, найӧ пондасны юны ассьыныс вирсӧ да коддзасны, кыдзи коддзӧны выль винаысь. Сэки ставныс тӧдмаласны, мый Ме – Господь, тэнӧ Мездысь, Яковлӧн вына Ен.

Еремей 25:26

тшӧтш войвылысь став ӧксысӧ, ӧта-мӧдсьыныс матын и ылын олысьясӧс, да став мувывса войтыръяссӧ. Шешакысь ӧксы юас медбӧръяӧн.

Даниил 4:30

Дзик пыр инісны тайӧ кывъясыс Навукодоносор олӧмын: сійӧс вӧтлісны йӧз дінысь, ӧш моз сійӧ сёйис турун, сылысь вир-яйсӧ кӧтӧдіс лысва. Сылӧн юрсиыс быдмис да лои кутшлӧн борд кодь кузь, а гыжъясыс лоины лэбачлӧн гыжъяс кодьӧсь.

Восьтӧм 11:8

Налӧн шойясыс кутасны куйлыны ыджыд карлӧн туй вылас. Тайӧ карсӧ позьӧ ӧткодявны Содомкӧд да Египеткӧд, ӧд тайӧ карас вӧлі тувъялӧма налысь Господьӧс.

Восьтӧм 17:1

Ме дінӧ матыстчис андел. Сійӧ вӧлі на пӧвстысь, кодъяслӧн вӧлі сизим чашаыс. Сійӧ шуис меным: «Лок татчӧ, ме петкӧдла тэныд, кутшӧм мыждӧм виччысьӧ ваяс дорын пукалысь аньӧс, коді ёна кырсаліс.

Восьтӧм 17:18

Аньыс, кодӧс тэ аддзылін, эм ыджыд кар, мый ыджыдалӧ мувывса ӧксыяс вылын».

Восьтӧм 17:5

Плешкас сылӧн вӧлі гижӧма гуся вежӧртаса ним: «Ыджыд Вавилон – мувывса став зывӧкыслӧн да кырсалысьяслӧн мам».

Восьтӧм 18:10

Найӧ повзясны сылӧн мучитчӧмысь да ылыстчасны сыысь. Шуасны: – Курыд шог тэныд, Вавилон, ыджыд да вына кар! Ӧти здукӧн суис тэнӧ мыждӧмыс!

Восьтӧм 18:2

Андел зэв гораа горӧдіс: – Киссис, киссис ыджыд Вавилон кар! Сійӧ лоис оланінӧн мутияслы да пеж ловъяслы, лоис позйӧн пеж да зывӧк лэбачьяслы. Аслас кырсалӧм вӧсна сійӧ юктӧдіс войтыръясӧс скӧрлуна винаӧн.

Восьтӧм 18:21

Сэсся вына андел босьтіс изки кодь ыджыд из да шыбитіс сійӧс саридзас. Сійӧ шуис: – Дзик тадзи лоӧ шыбитӧма ыджыд Вавилон карӧс, сійӧ вошас пыр кежлӧ!

Восьтӧм 18:5

Ӧд сылӧн мыжъясыс кыптӧны енэжӧдзыс, и Енмыс оз вунӧд сылысь лёк вӧчӧмсӧ.