Восьтӧм 16:12 - Коми Библия 2023

¹² Квайтӧд анделыс кисьтіс ассьыс чашасӧ ыджыд Ефрат юӧ, и ваыс сэтысь косьмис. Тадзи вӧлі дасьтӧма туйсӧ асыввывсянь локтысь ӧксыяслы.

Восьтӧм 16:12 Iomraidhean Croise

Исай 11:15

Господь косьтас Египетса саридзлысь куръясӧ, нюжӧдас юлань Ассьыс кисӧ да кыпӧдас ыджыд тӧвныр, Сійӧ юкас юсӧ сизим шор вылӧ, и йӧзыс сэті подӧн вуджасны.

Исай 41:25

Войвывсянь Ме вайӧді мортӧс, и сійӧ локтіс. Асыввывсянь сійӧ чукӧстіс Менсьым нимӧс. Сійӧ талялӧ юралысьясӧс нюйтӧс моз, кыдзи гырнич вӧчысь талялӧ сёй.

Исай 42:15

Ме кушта керӧсъяс да мылькъяс, чишкала сэтысь став быдмӧгсӧ, юяс вӧча діясӧн, тыяс косьта.

Исай 44:27

Джуджыд саридзлы Ме тшӧкта косьмыны, Ме косьта сылысь юяссӧ.

Исай 46:11

Асыввывсянь Ме чукӧсті варышӧс, ылі муысь Ме чукӧсті сійӧс, коді збыльмӧдас Менсьым мӧвпыштӧмӧс. Ме шуи, и вӧча тайӧс, Ме мӧвпышті, и вайӧда помӧдз.

Исай 8:7

Та вӧсна Ме, Господь, вайӧда тайӧ войтырыс вылӧ паськыда визувтысь да гораа бузгысь ю – ассурса ӧксыӧс став сылӧн выннас. Сійӧ паськалас ойдӧм ва моз, петас став аслас берегъясысь,

Еремей 51:36

Та вӧсна Господь тадзи висьталӧ: – Ерусалимын олысьяс, Ме доръя тіянӧс, водзӧс перъя тіян вӧсна, Ме косьта вавилонсаяслысь юяссӧ, косьта налысь ва петанінъяссӧ.

Восьтӧм 11:14

Мӧд шогыс помасис, но матысмӧ нин коймӧд шог.

Восьтӧм 17:15

Сэсся андел шуис меным: «Тэ аддзылін васӧ сэтысь, кӧні пукалӧ кырсалысь аньыс. Тайӧ ваыс – чужанкотыръяс да йӧз чукӧръяс, войтыръяс да быд кыла йӧз.

Восьтӧм 7:2

Сэсся ме аддзи асыввывсянь кыпӧдчысь анделӧс. Киас сійӧ кутіс ловъя Енлысь пас пуктансӧ. Сійӧ гораа шыасис нёль андел дінӧ, кодъяслы вӧлі сетӧма вын вӧчны лёксӧ мулы да саридзлы. Андел шуис:

Восьтӧм 9:14

Гӧлӧс шыыс шуис квайтӧд анделлы, кодлӧн вӧлі трубаыс: «Мезды нёльнан анделсӧ, кодъясӧс кӧрталӧма ыджыд Ефрат ю дорӧ».