Восьтӧм 13:7 - Коми Библия 2023

⁷ Сылы вӧлі сетӧма тышкасьны вежа войтыркӧд да вермыны найӧс. Сылы вӧлі сетӧма ыджыдавны быд чужанвуж да чужанкотыр вылын, быд кыла йӧз да быд войтыр вылын.

Восьтӧм 13:7 Iomraidhean Croise

Петӧм 9:16

но Ме тэнӧ ловйӧн коля. Тадзи Ме петкӧдла тэныд Ассьым вынӧс, медым Менсьым нимӧс тӧдісны став му пасьталаыс.

Исай 10:15

Чер ӧмӧй ошйысьӧ чернас керасьысь водзын? Пила ӧмӧй ошйысьӧ пилитчысь водзын? Бедь ӧмӧй шенасьӧ мортӧн, коді сійӧс киас кутӧ? Бедь ӧмӧй лэптӧ мортӧс, кодӧс абу пуысь вӧчӧма?

Исай 37:26

Но тэ ӧмӧй эн кывлы, мый ставсӧ тайӧс Ме важысянь нин дасьті? Ме водзысяньыс мӧвпышті та йылысь, а ӧні збыльмӧді тайӧс тэ пыр – тэ пазӧдін зумыд каръяс, найӧ лоины из чукӧръясӧн.

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Даниил 12:1

Сійӧ кадас локтас Микаил, ыджыд юралысь андел, тэнсьыд войтыртӧ дорйысь. Сэки пуксяс сьӧкыд кад, кутшӧм эз на вӧвлы войтыръяслӧн олан кадӧ. Но тэнад войтыр пӧвстысь мездмасны ставныс, кодъяслысь нимсӧ гижӧма Небӧгӧ.

Даниил 7:21

Ме аддзи, мый тайӧ сюрыс тышӧ петіс вежа войтырлы паныд да вермис найӧс.

Даниил 7:25

Сійӧ кутас сёрнитны Медвылыссалы паныд, кутас дзескӧдны Медвылыссалысь вежа войтырсӧ. Сійӧ мӧвпыштас вежны вежа войтырлысь гажӧдчан лунъяссӧ да Индӧдсӧ. Вежа войтырӧс лоӧ сетӧма сылӧн кипод улӧ ӧти кадколаст кежлӧ, сэсся кык кадколаст кежлӧ да нӧшта кадколаст джын кежлӧ.

Лука 4:6

Сэсся шуис: «Сета Тэныд став мусӧ мичлун-озырлуннас, ӧд ставсӧ тайӧс сетӧма меным. Ме верма сетны сійӧс кодлы кӧсъя.

Иоан 19:11

Исус вочавидзис: «Тэ эськӧ нинӧм эн вермы вӧчны Мекӧд, эз кӧ вӧв сетӧма тэныд вылісянь. Та вӧсна Менӧ вузалысь ёнджыка на мыжа».

Восьтӧм 10:11

Сэсся андел шуис меным: «Тэныд бара на ковмас водзвыв висьтавлыны, мый лоӧ войтыръяскӧд да чужанкотыръяскӧд, быд кыла йӧзкӧд да ӧксыяскӧд».

Восьтӧм 11:18

Ентӧдтӧмъяс ёна скӧралісны, но ӧні воис Тэнад скӧрлуныд. Воис кад мыждыны кулӧмаясӧс да сетны тырдон Тэныд кесъялысь пророкъяслы, вежа войтырыдлы да Тэнад нимысь полысьяслы, ичӧтъяслы и гырысьяслы. Воис кад бырӧдны найӧс, кодъяс тшыкӧдісны мусӧ.

Восьтӧм 11:7

Кор найӧ дугдасны висьтавлыны, сэки пыдӧстӧминысь петас звер да кутас тышкасьны накӧд. Зверыс вермас найӧс да виас.

Восьтӧм 12:17

Гундыр ёна скӧрмис ань вылӧ да муніс тышкасьны сылӧн мукӧд челядькӧд, кодъяс олӧны Ен тшӧктӧм серти да кутчысьӧны Исус Кристослӧн висьталӧмӧ.

Восьтӧм 17:15

Сэсся андел шуис меным: «Тэ аддзылін васӧ сэтысь, кӧні пукалӧ кырсалысь аньыс. Тайӧ ваыс – чужанкотыръяс да йӧз чукӧръяс, войтыръяс да быд кыла йӧз.

Восьтӧм 5:9

Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.