Восьтӧм 13:10 - Коми Библия 2023

¹⁰ Коді мӧдӧс дзескыдінӧ пуксьӧдас, ачыс сэтчӧ веськалас. Коді шыпуртӧн виас, сійӧс асьсӧ шыпуртӧн виасны. Татшӧм кадас вежа войтырлы колӧ зумыдлун да эскӧм.

Восьтӧм 13:10 Iomraidhean Croise

Исай 14:2

да вайӧдасны найӧс Израиль муӧ. Сэні, Господьлӧн му вылын, Израиль войтыр босьтас тайӧ йӧзсӧ аслыс кесйӧгӧ. Израиль войтыр босьтас пленӧ дзескӧдысьясӧс да кутас ыджыдавны нартитысьяс вылын.

Исай 26:21

Со, Господь петӧ Аслас оланінысь, медым мыждыны мувывса олысьясӧс налӧн мыжъясысь. Сэки муыс восьтас йӧзлысь кисьтӧм вирсӧ, оз нин кут дзеблавны виӧмаясӧс.

Исай 33:1

Курыд шог тэныд, бырӧдысь, кодӧс эз на бырӧдны. Курыд шог тэныд, ылӧдчысь, кодӧс эз на ылӧдлыны. Кор тэ дугдан бырӧднытӧ, тэнӧ асьтӧ бырӧдасны. Кор тэ дугдан ылӧдчынытӧ, тэнӧ асьтӧ ылӧдласны.

Еремей 15:2

Но найӧ кӧ юаласны тэнсьыд, кытчӧ пӧ миянлы муннысӧ, висьтав налы, мый Господь тадзи висьталӧ: – Кодлы шуӧма кувны, сійӧ мед кулас, кодлы шуӧма шыпуртысь кувны, сійӧ мед шыпуртысь кулас, кодлы шуӧма тшыгла кувны, сійӧ мед тшыгла кулас, кодлы шуӧма пленӧ мунны, сійӧ мед пленӧ мунас.

Еремей 43:11

Сійӧ локтас да пазӧдас Египет му. Кодлы шуӧма кувны, сійӧ кулас. Кодлы шуӧма пленӧ мунны, сійӧ пленӧ мунас. Кодлы шуӧма шыпуртысь кувны, сійӧ шыпуртысь кулас.

Бӧрданкыв 3:26

Бур, кор чӧла виччысян мездмӧмсӧ Господьсянь.

Аввакум 2:3

Тайӧ аддзылӧмыс локтана кад йылысь, кадлӧн пом йылысь, тайӧ абу ылӧг. Тайӧ кадыс кӧ дыр на оз во, виччысь, ӧд тайӧ аддзылӧмыс инас, оз вежсьы.

Матвей 26:52

Исус шуис сылы: «Бӧр сюй шыпурттӧ. Шыпурт босьтысь шыпурт помысь кулас.

Матвей 7:2

Ӧд тіян мыждӧмныд ас выланыд бӧр воас. Асланыд мурталӧм серти тіянлы мурталасны.

Лука 21:19

Сьӧкыдлунсӧ венӧмӧн ті мезданныд ловнытӧ».

Колосӧ 1:11

Енмыс мед ёнмӧдас да вынсьӧдас тіянӧс дзирдлуна выннас, медым ті быдторйын вӧлінныд зумыдӧсь да терпитӧмӧн нуинныд быдпӧлӧс сьӧкыдсӧ.

Еврейяслы 6:12

Энӧ дышӧдчӧй, но лоӧй на кодьӧсь, кодъяс эскӧмӧн да терпитӧмӧн босьтӧны Енсянь кӧсйысьӧмасӧ.

Восьтӧм 1:9

Ме, Иоан, тіян вокныд, тіянкӧд ӧтвыв нуа сьӧкыдсӧ. Тіянлы моз меным тшӧтш вичмӧ Енлӧн Юралӧмыс да Исус Кристоссянь зумыдлуныс. Ен кыв вӧсна да Исус Кристос йылысь висьталӧм вӧсна ме вӧлі Патмос ді вылын.

Восьтӧм 11:18

Ентӧдтӧмъяс ёна скӧралісны, но ӧні воис Тэнад скӧрлуныд. Воис кад мыждыны кулӧмаясӧс да сетны тырдон Тэныд кесъялысь пророкъяслы, вежа войтырыдлы да Тэнад нимысь полысьяслы, ичӧтъяслы и гырысьяслы. Воис кад бырӧдны найӧс, кодъяс тшыкӧдісны мусӧ.

Восьтӧм 14:12

Сідзкӧ, вежа войтырлы – Ен тшӧктӧм серти олысьяслы да Исуслы эскысьяслы – колӧ зумыдлун».

Восьтӧм 16:6

Йӧзыс кисьтісны вежа войтырлысь да пророкъяслысь вирсӧ, та вӧсна Тэ юктӧдан найӧс вирӧн, мынтысян налы уджъясныс серти.

Восьтӧм 17:11

Зверыс, коді вӧлі, но ӧні абу, – кӧкъямысӧд ӧксы, но сійӧ сизим ӧксыыс пӧвстысь. Сійӧс лоӧ бырӧдӧма.

Восьтӧм 17:8

Зверыс, кодӧс тэ аддзылін, коркӧ вӧлі, но ӧні сійӧ абу. Сійӧ петас пыдӧстӧминысь, но сійӧс лоӧ бырӧдӧма. Сэки мувывса олысьяс, кодъяслысь нимсӧ му пуксьӧмсяньыс абу гижӧма Олӧмыслӧн небӧгӧ, зверсӧ аддзигӧн кутасны шензьыны, ӧд сійӧ вӧлі, но ӧні абу, и бара лоас.

Восьтӧм 2:19

Ме тӧда тэнсьыд уджъястӧ, муслунтӧ, кесъялӧмтӧ, эскӧмтӧ да зумыдлунтӧ. Тӧда, мый воддза дорысь тэ ӧні ёнджыка на уджалан.

Восьтӧм 2:2

Ме тӧда тэнсьыд уджъястӧ, мырсьӧмтӧ да зумыдлунтӧ. Тӧда, тэ он терпит лёк йӧзӧс. Тэ тӧдмалін найӧс, кодъяс нимтӧны асьнысӧ апостолъясӧн, но збыльвылас найӧ абу апостолъяс. Тэ аддзин, мый найӧ – пӧръясьысьяс.

Восьтӧм 3:10

Ме тшӧкті тэныд зумыда сулавны, и тэ видзин Менсьым тшӧктӧмӧс. Та вӧсна видза тэнӧ локтана сьӧкыд кадас. Тайӧ кадыс лоӧ став му пасьталаыс, медым тӧдмавны мувывса олысьясӧс.

Восьтӧм 3:3

Эн вунӧд сійӧ, мый кывлін да сибӧдін. Видз сійӧс сьӧлӧмад да бергӧдчы мыжъяссьыд! Он кӧ садьмӧдчы, локта тэ дінӧ гусясьысь моз тӧдлытӧг. Тэ весиг он тӧдлы, кутшӧм кадӧ локта тэ дінӧ.