Восьтӧм 11:9 - Коми Библия 2023

⁹ Быд кыла йӧз пытшкысь да быд войтырысь, быд чужанвужйысь да чужанкотырысь унаӧн кутасны видзӧдны налӧн шойяс вылӧ куим лун да джын, но гуавнысӧ найӧс оз лэдзны.

Восьтӧм 11:9 Iomraidhean Croise

Ӧксыяслӧн 3 небӧг 13:22

а бӧр бергӧдчин татчӧ сёйны-юны. Господь ӧд шуліс тэныд, мед тэ эн сёй нянь ни эн ю ва тані. Та вӧсна тэнсьыд шойтӧ оз ло дзебӧма батьясыдлӧн дзебанінӧ».

Еклесиаст 6:3

Мортыд вермас дыр овны, сылӧн вермас чужны сё ныв-пи, но сійӧ кӧ оз нимкодясь аслас овмӧс-эмбурнас, и кулӧм бӧрас сійӧс оз дзебны, шуа, мый чӧвтчӧм кага сы дорысь шудаджык.

Исай 33:1

Курыд шог тэныд, бырӧдысь, кодӧс эз на бырӧдны. Курыд шог тэныд, ылӧдчысь, кодӧс эз на ылӧдлыны. Кор тэ дугдан бырӧднытӧ, тэнӧ асьтӧ бырӧдасны. Кор тэ дугдан ылӧдчынытӧ, тэнӧ асьтӧ ылӧдласны.

Еремей 7:33

Тайӧ войтырыслӧн шойясӧн кутасны пӧткӧдчыны кырныш-варыш да зверъяс, и некод оз повзьӧд найӧс.

Матвей 7:2

Ӧд тіян мыждӧмныд ас выланыд бӧр воас. Асланыд мурталӧм серти тіянлы мурталасны.

Восьтӧм 10:11

Сэсся андел шуис меным: «Тэныд бара на ковмас водзвыв висьтавлыны, мый лоӧ войтыръяскӧд да чужанкотыръяскӧд, быд кыла йӧзкӧд да ӧксыяскӧд».

Восьтӧм 11:11

Но куим лун да джын мысти Енмыс пӧльыштіс тайӧ кык висьталысьыс пытшкӧ олӧмыслысь ловсӧ, да найӧ чеччисны. Сэки на вылӧ видзӧдысьяс ёна повзисны.

Восьтӧм 13:7

Сылы вӧлі сетӧма тышкасьны вежа войтыркӧд да вермыны найӧс. Сылы вӧлі сетӧма ыджыдавны быд чужанвуж да чужанкотыр вылын, быд кыла йӧз да быд войтыр вылын.

Восьтӧм 17:15

Сэсся андел шуис меным: «Тэ аддзылін васӧ сэтысь, кӧні пукалӧ кырсалысь аньыс. Тайӧ ваыс – чужанкотыръяс да йӧз чукӧръяс, войтыръяс да быд кыла йӧз.

Восьтӧм 5:8

Гижӧдсӧ босьтӧм бӧрын нёль ловъя олысьыс да кызь нёль юрнуӧдысьыс уськӧдчисны Баля водзӧ. Быдӧн на пиысь киас кутіс арфа да ладан тыра зарни доз. Ладан тшыныс – тайӧ вежа войтырлӧн кевмысьӧмъясыс.

Восьтӧм 5:9

Найӧ сьылісны выль сьыланкыв: – Тэ шогман босьтны гартӧм гижӧдсӧ да жугӧдны печатьсӧ, ӧд Тэнӧ вӧлі начкӧма. Вирыд вылӧ Тэ ньӧбин миянӧс Енмыслы быд чужанвужйысь да чужанкотырысь, быд кыла йӧз пытшкысь да быд войтырысь.