Восьтӧм 11:8 - Коми Библия 2023

⁸ Налӧн шойясыс кутасны куйлыны ыджыд карлӧн туй вылас. Тайӧ карсӧ позьӧ ӧткодявны Содомкӧд да Египеткӧд, ӧд тайӧ карас вӧлі тувъялӧма налысь Господьӧс.

Восьтӧм 11:8 Iomraidhean Croise

Олӧм 13:13

Содомын олысьяс вӧліны зэв лёкӧсь, найӧ уна мыж вӧчисны Господьлы паныд.

Олӧм 19:24

Сэки Господь кисьтіс енэжсянь Содом да Гомора вылӧ тэгъя-биа зэр,

Петӧм 20:2

«Ме – Господь, тэнад Енмыд. Ме петкӧді тэнӧ Египет муысь нартитӧм улысь.

Петӧм 3:7

Господь шуис Мӧисейлы: «Ме аддзи, кыдзи сьӧкыдалӧ Менам войтырӧй Египетын. Ме кылі, кыдзи ойзӧны найӧ уджӧдысьяслӧн нартитӧмысь. Налысь шогсӧ Ме тӧда.

Исай 3:9

Налӧн чужӧмас гижӧма, мый найӧ – лёк вӧчысьяс. Содомын олысьяс моз найӧ восьсӧн да яндысьтӧг ошйысьӧны асланыс мыжъясӧн. Курыд шог налы! Найӧ асьныс ӧшлӧны ас выланыс лёксӧ.

Еремей 23:14

Но ӧні Ме аддза, мый ерусалимса пророкъяс нӧшта на зывӧкджыка вӧчӧны: пежалӧны гозъякост олӧм, олӧны ылӧгас, ыззьӧдӧны йӧзсӧ лёк вылӧ, оз кежӧдны найӧс лёк вӧчӧмысь. Ме водзын тайӧ пророкъясыс Содом карын олысьяс кодьӧсь, а Ерусалимын олысьяс Гомора карын олысьяс кодьӧсь.

Еремей 26:23

Найӧ петкӧдісны Урийӧс Египетысь да вайӧдісны Ехояким ӧксы дінӧ. Ӧксы виис сійӧс шыпуртӧн, а шойсӧ шыбитіс войтырлӧн шойна вылӧ.

Езекиль 16:46

Ыджыд чойыд – Самария, коді олӧ аслас нывъясыскӧд тэсянь войвылын. А ичӧтджык чойыд – Содом, коді олӧ аслас нывъясыскӧд тэсянь лунвылын.

Езекиль 16:49

Со татшӧм вӧлі Содом чойыдлӧн мыжыс. Содом да сылӧн нывъясыс вӧліны тшапӧсь, найӧ лышкыда да кокньыда олісны, эз отсасьны гӧльяслы да коньӧръяслы.

Езекиль 23:19

Но сійӧ ёнджыка на кырсаліс. Сылы тӧд вылас уси том кадыс, кор сійӧ кырсавліс Египет муын.

Езекиль 23:27

Ме пукта пом тэнад лэдзчысьӧм олӧмлы да кырсалӧмлы. Египет муысь локтӧмсянь тэ олін лэдзчысьӧмӧн да кырсалӧмӧн, но водзӧ он кӧсйы тадзи овны, Египетын олӧмтӧ он нин кӧсйы казьтывны.

Езекиль 23:3

Том кадсяньыс найӧ кырсалісны Египетын олігас. Сэні налысь морӧссӧ чабралісны, нывдырся нёньяссӧ шамралісны.

Езекиль 23:8

Том кадас на сійӧ пондіс кырсавны Египетын. Египетсаяс узьлісны сыкӧд, шамралісны сылысь нывдырся нёньяссӧ да могмӧдісны ассьыныс колӧм-кӧсйӧмнысӧ. Тайӧ кадсяньыс Огола эз и дугдывлы кырсавнысӧ.

Езекиль 37:11

Господь шуис меным: «Морт пиӧй, тайӧ лыясыс – Израиль войтыр. Найӧ шуӧны, миян лыясным пӧ косьмисны, лачаным воши, миянлы воис пом.

Амос 4:11

Содом да Гомора каръяслы моз Ме вайи тіян пӧвстӧ бырӧдӧм, и ті лоинныд биысь перйӧм сэрапом кодьӧсь. Но ті энӧ бергӧдчӧй Ме дінӧ, – висьталӧ Господь. –

Матвей 10:15

Веськыда висьтала тіянлы: мыждан лунӧ Содом да Гомора каръяслы лоас кокньыдджык сійӧ карыслы дорысь.

Ап. уджъяс 9:4

Сійӧ усис муас да кыліс шыасьӧм: «Савл, Савл, мыйла вӧтлан Менӧ?»

Еврейяслы 13:12

Исус тшӧтш куліс кар ортсыас, медым Аслас вирӧн вежӧдны йӧзсӧ.

2 Петыр 2:6

Ен мыждіс Содом да Гомора каръяс, биӧн бырӧдіс пӧимӧдз. Тайӧн петкӧдліс, мый виччысьӧ Ентӧг олысьясӧс.

Иуда 1:7

Тадзи лои тшӧтш Содомын, Гомораын да на гӧгӧр каръясын олысьяскӧд. Тайӧ анделъясыс моз найӧ кырсалісны да сетчисны зывӧк оласногӧ, та вӧсна найӧс вӧлі мыждӧма да сотӧма куслытӧм биын. Миянлы тайӧ ӧлӧдӧм вылӧ.

Восьтӧм 11:13

Дзик пыр муыс кутіс ёна вӧрны, и карыслӧн дасӧд юкӧныс киссис. Му вӧригас куліс сизим сюрс морт, а мукӧдыс ёна повзисны да кутісны ошкыны енэжвывса Енмӧс.

Восьтӧм 11:9

Быд кыла йӧз пытшкысь да быд войтырысь, быд чужанвужйысь да чужанкотырысь унаӧн кутасны видзӧдны налӧн шойяс вылӧ куим лун да джын, но гуавнысӧ найӧс оз лэдзны.

Восьтӧм 14:20

Кор виноград вотӧссӧ вӧлі талялӧма кар ортсыса пычкан гуын, сэтысь вирыс петіс ортсӧ да визувтіс сюрс квайтсё стадий ылнаӧдз. Вирыслӧн джудждаыс вӧлі вӧв домӧдз.

Восьтӧм 14:8

Тайӧ анделыс бӧрся лэбис мӧд андел да горзіс: «Киссис, киссис ыджыд Вавилон кар! Аслас кырсалӧм вӧсна сійӧ юктӧдіс войтыръясӧс скӧрлуна винаӧн».

Восьтӧм 16:19

Сэки ыджыд Вавилон кар киссис куим пельӧ, и мукӧд войтыръяслӧн каръясыс тшӧтш киссисны. Енмыс эз вунӧд ыджыд Вавилон кар йылысь да сетіс сылы юны вина чашаысь, мый вӧлі тырӧма Сылӧн скӧрлунӧн.

Восьтӧм 17:1

Ме дінӧ матыстчис андел. Сійӧ вӧлі на пӧвстысь, кодъяслӧн вӧлі сизим чашаыс. Сійӧ шуис меным: «Лок татчӧ, ме петкӧдла тэныд, кутшӧм мыждӧм виччысьӧ ваяс дорын пукалысь аньӧс, коді ёна кырсаліс.

Восьтӧм 17:18

Аньыс, кодӧс тэ аддзылін, эм ыджыд кар, мый ыджыдалӧ мувывса ӧксыяс вылын».

Восьтӧм 17:5

Плешкас сылӧн вӧлі гижӧма гуся вежӧртаса ним: «Ыджыд Вавилон – мувывса став зывӧкыслӧн да кырсалысьяслӧн мам».

Восьтӧм 18:10

Найӧ повзясны сылӧн мучитчӧмысь да ылыстчасны сыысь. Шуасны: – Курыд шог тэныд, Вавилон, ыджыд да вына кар! Ӧти здукӧн суис тэнӧ мыждӧмыс!

Восьтӧм 18:18

Найӧ видзӧдісны сотчысь карлӧн тшыныс вылӧ да горзісны: «Позяс ӧмӧй ӧткодявны тайӧ ыджыд карсӧ кутшӧмкӧ мӧд каркӧд?»

Восьтӧм 18:2

Андел зэв гораа горӧдіс: – Киссис, киссис ыджыд Вавилон кар! Сійӧ лоис оланінӧн мутияслы да пеж ловъяслы, лоис позйӧн пеж да зывӧк лэбачьяслы. Аслас кырсалӧм вӧсна сійӧ юктӧдіс войтыръясӧс скӧрлуна винаӧн.

Восьтӧм 18:21

Сэсся вына андел босьтіс изки кодь ыджыд из да шыбитіс сійӧс саридзас. Сійӧ шуис: – Дзик тадзи лоӧ шыбитӧма ыджыд Вавилон карӧс, сійӧ вошас пыр кежлӧ!

Восьтӧм 18:24

Тайӧ карыс мыжа пророкъяслысь да вежа войтырлысь вирсӧ кисьтӧмысь, му вылас став виӧмаыслысь вирсӧ кисьтӧмысь.