Восьтӧм 11:19 - Коми Библия 2023

¹⁹ Енэжас воссис Енлӧн крамыс, и крамысь тыдовтчис Йитӧд куд. Сэки кутіс чардавны-гымавны, кылісны гора шыяс, муыс кутіс вӧрны, да киссис гырысь шер.

Восьтӧм 11:19 Iomraidhean Croise

Псалтыр 105:32

Мерива ва дорын найӧ бара дӧзмӧдісны Господьӧс, и Мӧисейлы ковмис сьӧкыдавны на вӧсна.

Псалтыр 18:12

Тэнад тшӧктӧмъясыд видзӧны кесйӧгтӧ, на серти олӧмысь вичмӧ ыджыд тырдон.

Исай 28:2

Со, Господьлӧн эм вынйӧра да ён морт, коді шерӧн мунысь сувтса зэр моз, путкылялысь тӧвныр моз, паськыда ойдысь ытва моз ыджыд вынӧн шыбитас найӧс муас.

Исай 29:6

Господь Саваоф локтас тэ дінӧ гым да му вӧрӧм моз, ыджыд шыа бушков да гартчан тӧвныр моз, ставсӧ сотысь би моз.

Исай 30:30

Господьлӧн вына шыыс грымӧбтас, Сійӧ петкӧдлас Ассьыс вына кисӧ, Сылӧн скӧрлуныс лоӧ вывті яр, ставсӧ сотысь би кодь, бушков да сувтса зэр кодь, гырысь шер кодь.

Исай 32:19

Вӧрсӧ пӧрӧдас шер, карсӧ лоӧ дзикӧдз кисьтӧма,

Езекиль 13:11

Стенсӧ еджыдӧн мавтысьяслы шу, мый стенмыс киссяс. Кор сувтсӧн зэрас, йиа шер мунас, ыджыд тӧвныр чашъяс стенсӧ,

Езекиль 13:13

Господь Ыджыдыс тадзи висьталӧ: Ме скӧрма да кыпӧда ыджыд тӧвныр, ярлунӧн кисьта сувтса зэр, лӧглунӧн лэдза шер, медым бырӧдны стенсӧ.

Езекиль 38:22

Ме мыжда Гогӧс да сылысь тышкайӧзсӧ. Мӧдӧда на вылӧ пӧрӧс висьӧм да кисьта налысь вирсӧ. Гог вылӧ, сылӧн тышкайӧз вылӧ да сыкӧд локтӧм войтыръяс вылӧ Ме кисьта сувтса зэр, йиа шер, би да тэг.

Лыд 10:33

Господьлӧн керӧс дорысь мӧдӧдчӧм бӧрын Израиль войтыр мунісны куим лун чӧж. Господьлысь Йитӧд кудсӧ найӧ нуисны водзвыланыс, медым сійӧ петкӧдлас шойччанін.

Лыд 4:15

Израиль войтырлӧн туйӧ петтӧдзыс Аарон пияныскӧд мед вевттяласны став вежа дозмук-кӧлуйсӧ. Сӧмын та бӧрын вермасны матыстчыны Кааф пиян, медым нуны вежа дозмук-кӧлуйсӧ. Найӧ кӧ инмӧдчасны вевттьытӧм вежа дозмук-кӧлуй дінӧ, куласны. Вежа чомйын кесъялан дозмук-кӧлуйсӧ колӧ новлӧдлыны Кааф пиянлы.

Лыд 4:5

Израиль войтырлӧн туйӧ петтӧдзыс Аарон пияныскӧд мед пырасны вежа чомйӧ, босьтасны ӧшӧдӧм дӧрасӧ да вевттясны сыӧн Йитӧд кудсӧ.

Нав Исус 10:11

Кор найӧ израильса тышкайӧзысь пышйигӧн лэччисны Бет-Хорон керӧс вылысь, Господь шыблаліс на вылӧ енэжсянь гырысь йиа шер. Тадзи вӧлі Азека карӧдз став туй чӧжныс, и унаӧн кулісны. Унджыкыс кулісны эз израильсаяслӧн шыпурт помысь, а гырысь йиа шер улӧ веськалӧмысь.

Восьтӧм 11:13

Дзик пыр муыс кутіс ёна вӧрны, и карыслӧн дасӧд юкӧныс киссис. Му вӧригас куліс сизим сюрс морт, а мукӧдыс ёна повзисны да кутісны ошкыны енэжвывса Енмӧс.

Восьтӧм 11:15

Кор сизимӧд анделыс тутсіс трубаӧ, енэжас кылісны гора шыяс. Найӧ шуалісны: – Став муюгыдыс лои миян Господьлӧн да Сылӧн Мавтыштӧмалӧн юраланінӧн. Сійӧ кутас юравны нэмъяс чӧж!

Восьтӧм 12:1

Сэсся енэжсьыс ме аддзи ыджыд индысьпас. Ань вӧлі гартыштчӧма шондіӧн. Сылӧн кок улас вӧлі тӧлысь, а юр вылас – дас кык кодзулысь юркытш.

Восьтӧм 16:1

Сэсся крамсьыс ме кылі гора гӧлӧс шы. Сійӧ шуис сизим анделлы: «Мунӧй да кисьтӧй Ен скӧрлуна сизим чашасӧ му вылӧ».

Восьтӧм 16:18

Сэсся кутіс чардавны-гымавны, кылісны гора шыяс, и муыс кутіс ёна вӧрны. Олӧм пуксьӧмсяньыс та ыджда му вӧрӧмыс некор на эз вӧвлы!

Восьтӧм 16:21

Йӧзыс вылӧ енэжсянь киссис зэв гырысь шер, шер тусьыс сьӧктанас вӧлі комын кило мында. Йӧзыс лёкӧдісны Енсӧ тайӧ шерсьыс, ӧд тайӧ бырӧданторйыс вайис налы уна сьӧкыдлун.

Восьтӧм 19:11

Енэжыс воссис менам син водзын, и сэтысь ме аддзи еджыд вӧлӧс да сы вылын Пукалысьӧс. Сылӧн нимыс – Эскана да Збыль, Сійӧ тышкасьӧ да мыждӧ веськыда.

Восьтӧм 4:1

Сэсся ме видзӧдлі енэжас да аддзи сэтысь восьса ӧдзӧс. Сэсянь ме кылі гӧлӧс шы, сійӧ вӧлі труба шы кодь. Тайӧ гӧлӧс шысӧ ме водзынджык кывлі нин. Сійӧ шуис меным: «Кыпӧдчы татчӧ! Ме петкӧдла тэныд, мый лоӧ та бӧрти».

Восьтӧм 4:5

Пуклӧссянь петісны чардби да гым шы. Пуклӧс водзас ӧзйис сизим би, Енлӧн сизим лолыс.

Восьтӧм 7:15

Та вӧсна найӧ сулалӧны Ен пуклӧс водзын, лун и вой кесъялӧны Енмыслы Сылӧн крамын. Юралан пуклӧсын Пукалысьыс лоӧ накӧд да видзӧ найӧс.

Восьтӧм 8:5

Сэсся андел босьтіс тшынӧдчан доз, пуктіс сэтчӧ висьпуктанінысь бисӧ да шыбитіс сійӧс му вылӧ. Сэні кылісны гора шыяс, чардаліс-гымаліс, да муыс вӧрис.

Восьтӧм 8:7

Кор медводдза анделыс тутсіс трубаӧ, му вылӧ киссис вир сора биа шер. Сэки сотчис пуяслӧн коймӧд юкӧныс да став веж туруныс.