Восьтӧм 1:16 - Коми Библия 2023

¹⁶ Веськыд киас Сійӧ кутіс сизим кодзув, а вомсьыс петіс кыкнанладорсяньыс лэчтӧм ёсь шыпурт. Сылӧн чужӧмыс дзирдаліс яръюгыд шонді моз.

Восьтӧм 1:16 Iomraidhean Croise

Иов 38:7

кор асъя кодзувъяс нимкодясисны, кор Енлӧн пияныс долыда горзісны?

Псалтыр 45:3

Та вӧсна ми огӧ полӧй, весиг муыс кӧ кутас вӧрны, керӧсъяс кӧ усясны саридз пыдӧсӧ,

Сьылан 6:10

«Коді тайӧ? Сійӧ асъя кыа моз дзирдалӧ, сійӧ тӧлысь кодь мича, шонді кодь югыд, дӧрапасӧн локтысь тышкайӧз кодь шемӧсмӧдана». (Ныв:)

Исай 11:4

Сійӧ веськыда мыждас коньӧръясӧс, гӧльясӧс доръяс збыльыс серти. Аслас чорыд кывнас сійӧ чирыштас мувывса олысьясӧс, аслас ловшынас виас лёк вӧчысьясӧс.

Исай 24:23

Кор Господь Саваоф кутас ӧксыавны Сион керӧс вылын, Ерусалимын, да восьтас Ассьыс дзирдлунсӧ Аслас войтырлӧн юрнуӧдысьяслы, сэки тӧлысь яналас, шонділы лоӧ юръяндзим.

Исай 49:2

Сійӧ вӧчис менсьым кывйӧс ёсь шыпуртӧн, вевттис менӧ Аслас ки вуджӧрӧн, вӧчис менӧ ёсь ньӧвйӧн, Аслас ньӧвпуртӧсын видзис менӧ.

Даниил 12:3

Нэмъяс чӧж мывкыдаяс пондасны дзирдавны югыд кыа моз, веськыдлунас унаӧс туйдӧдысьяс – кодзувъяс моз.

Даниил 8:10

Сюрыс быдмис енэжвывса тышкакотыръясӧдз, сэсся тышкакотыръяслысь юкӧнсӧ да кодзувъяслысь юкӧнсӧ шыбитіс му вылӧ да таляліс найӧс.

Малакий 4:2

А тіянлы, Меысь полысьяслы, петас веськыдлуныслӧн шонді, и сылӧн югӧр улын ті бурданныд. Ті петанныд да понданныд чеччавны видз вылӧ лэдзӧм куканьяс моз.

Матвей 17:2

Велӧдчысьяс син водзын Исуслӧн мыгӧрыс вежсис: чужӧмыс пондіс шонді моз югъявны, паськӧмыс лои дзирдалана еджыд.

Ап. уджъяс 26:13

Луншӧр кадӧ, кор ме вӧлі туйын на, аддзи, ӧксыӧй, кыдзи ме да мекӧд мунысьяс гӧгӧр югнитіс енэжсяньыс югыд. Сійӧ вӧлі шонді югӧрысь на яр.

Ефесӧ 6:17

Нӧшта босьтӧй юртупкӧд пыдди мездмӧмсӧ да Ловлысь шыпуртсӧ – Енлысь кывсӧ.

Еврейяслы 4:12

Енлӧн кывйыс ловъя да вына. Сійӧ ёсьджык на кыкнанладорсяньыс лэчтӧм шыпуртысь. Сійӧ пыдӧдз мӧрччӧ, торйӧдӧ мортлысь ловсӧ да олӧмсӧ, лысӧ да вемсӧ, восьтӧ мортлысь сьӧлӧмпытшса мӧвпъяссӧ да кӧсйӧмъяссӧ.

Восьтӧм 1:20

Тэ аддзылін Менам веськыд киысь сизим кодзув, нӧшта аддзылін сизим зарни бикок. Налӧн гусяторйыс татшӧм: сизим кодзулыс – тайӧ сизим вичколӧн анделъяс, а сизим бикокыс, кодъясӧс тэ аддзылін, – тайӧ сизим вичко».

Восьтӧм 10:1

Ме аддзи нӧшта ӧти вына анделӧс, коді лэччис енэжсяньыс. Сійӧс кытшаліс кымӧр, юр весьтас вӧлі ӧшкамӧшка. Сылӧн чужӧмыс вӧлі шонді кодь, а кокыс вӧлі биа сюръяяс кодьӧсь.

Восьтӧм 12:1

Сэсся енэжсьыс ме аддзи ыджыд индысьпас. Ань вӧлі гартыштчӧма шондіӧн. Сылӧн кок улас вӧлі тӧлысь, а юр вылас – дас кык кодзулысь юркытш.

Восьтӧм 19:15

Вӧв вылын Пукалысьлӧн вомысь петіс ёсь шыпурт. Шыпуртнас Сійӧ кутас бытшкавны войтыръясӧс, кӧрт беддьӧн веськӧдлыны наӧн. Пычкан гуын кутас талявны виноград – дасьтыны Ставсӧвермысь Енлысь скӧрлуна винасӧ.

Восьтӧм 19:21

а мукӧдсӧ вӧлі виӧма шыпуртӧн. Тайӧ шыпуртыс петіс вӧв вылын Пукалысьлӧн вомысь. Став лэбачыс сэсся пӧткӧдчисны виӧмаяслӧн шойясӧн.

Восьтӧм 2:1

«Ефес вичкоса анделлы тадзи гиж: Со мый висьталӧ Сійӧ, коді кутӧ веськыд киас сизим кодзув да ветлӧдлӧ сизим зарни бикок пӧвстӧд.

Восьтӧм 2:12

«Пергам вичкоса анделлы тадзи гиж: Со мый висьталӧ тіянлы Сійӧ, кодлӧн эм кыкнанладорсяньыс лэчтӧм ёсь шыпурт.

Восьтӧм 2:16

Бергӧдчы таысь! Он кӧ бергӧдчы, регыд локта тэ дінӧ да тышкася накӧд Менам вомысь петысь шыпуртӧн.

Восьтӧм 3:1

«Сардис вичкоса анделлы тадзи гиж: Со мый висьталӧ Сійӧ, кодлӧн эм Енлӧн сизим лолыс да сизим кодзув. Ме тӧда тэнсьыд уджъястӧ. Тэнӧ лыддьӧны ловъяӧн, но тэ кулӧмыд.

Ёрдысьяс 3:16

Эхуд вӧчис аслыс гырддза кузьта кыкнанладорсяньыс лэчтӧм шыпурт, ӧшӧдіс сійӧс веськыдладор бокас да дзебис паськӧм улас.

Ёрдысьяс 5:31

Господьӧй, тадзи мед бырасны Тэнӧ мустӧмтысьяс. Но Господьӧс радейтысьяс мед лоасны шонді кодьӧсь, аслас вынӧн кыпӧдчысь шонді кодьӧсь. Та бӧрын нелямын во чӧж Израиль муын эз вӧвны тышъяс.