Сьылан 4:14 - Коми Библия 2023

¹⁴ нард да шафран, имбир да корица, чӧскыд дука пуяс, смирна да алоэ – став медбур ӧвтанторйыс.

Сьылан 4:14 Iomraidhean Croise

Олӧм 43:11

Израиль батьныс шуис налы: «Но мый сэсся вӧчан? Сідзкӧ, босьтӧй да нуӧй тайӧ мортыслы миян муысь козинъяс: мавтасъяс, ма, чӧскыд дука сиръяс, ладан, фисташ да миндаль кольтусьяс.

Ӧксыяслӧн 3 небӧг 10:10

Ӧксы-ань козьналіс Соломон ӧксылы сё кызь талант зарни, дона изъяс да унасьыс-уна чӧскыд ӧвтантор. Та мында ӧвтанторйыс, мый саваса ӧксы-ань козьналіс Соломон ӧксылы, Израильын эз на вӧвлы.

2 Каднебӧг 9:9

Ӧксы-ань козьналіс Соломон ӧксылы сё кызь талант зарни, дона изъяс да унасьыс-уна чӧскыд ӧвтантор. Татшӧм ӧвтанторъясыс, мый саваса ӧксы-ань козьналіс Соломон ӧксылы, Израильын эз на вӧвлыны.

Псалтыр 45:8

Господь Саваоф миянкӧд, Яковлӧн Енмыс – миянӧс Дорйысьыс.

Петӧм 30:23

«Босьт медчӧскыд ӧвтанторъяс: витсё сикель кизьӧр смирна, сыысь кык пӧв этшаджык чӧскыда ӧвтысь корица, тшӧтш кыксё ветымын сикель чӧскыд дука турун,

Шусьӧгъяс 7:17

узьланінӧс резі смирнаӧн, алоэӧн да корицаӧн.

Сьылан 1:12

Смирна ёкмыль моз мусукӧй ляскысьӧ менам морӧс бердӧ.

Сьылан 3:6

– Коді тайӧ, овтӧминысь локтысьыс? Сійӧ локтӧ тшын сюръя моз, ӧвтӧ сысянь смирнаӧн да ладанӧн, ылі муысь вайӧм чӧскыд ӧвтанторйӧн.

Сьылан 4:6

Кор луныс ыркыдӧн лолалӧ, кор вуджӧръяс пышйӧны, ме кая смирна керӧс йылӧ, муна ладан ыб вылӧ.

Сьылан 5:1

– Аслам сад йӧрӧ локті ме, чоюкӧй-гӧтырпуӧй, чӧскыд турун да смирна чукӧрті, вина-йӧв ме юи, мазі позйысь ма сёйи. (Мукӧдъяс:) – Сёйӧй, ёртъяс! Коддзымӧнныд юӧй, радейтчысьяс! (Ныв:)

Сьылан 6:2

– Менам мусукӧй лэччӧма аслас сад йӧрӧ, кӧні быдмӧны чӧскыда ӧвтысь быдмӧгъяс, сійӧ пӧткӧдчӧ сад йӧр вотӧснас, ӧктӧ сэтысь лилия.

Езекиль 27:19

Тэнсьыд ньӧбасигӧн дансаяс да Узал муысь явансаяс мынтысьлісны тэныд дорӧм кӧртӧн, кассияӧн да чӧскыда ӧвтысь турунӧн.

Лыд 24:6

Чомъясныд паськӧдчӧны ковтысъяс моз, юбокса сад йӧръяс моз, Господьӧн пуктӧм алоэ пуяс моз, вадорса сус пуяс моз.

Марк 16:1

Шойччан лун бӧрын Магдала Марья, Яковлӧн Марья мамыс да Саломия ньӧбисны чӧскыд дука выйяс, медым мавтны Исусӧс.

Иоан 19:39

Сэтчӧ локтіс тшӧтш Никодим, коді коркӧ войнас воліс Исус дінӧ. Сійӧ вайис комын кило кымын смирнаысь да алоэысь вӧчӧм мавтас.

Восьтӧм 18:13

Некод оз босьт налысь корица да ладан, чӧскыд дука вый да пуысь пычкӧм дона вый, вина да олив вый, пызь да шобді, ыж-мӧскӧс да вӧвъясӧс, тарантасъяс, кесйӧгъясӧс да мукӧд йӧзсӧ.