Шусьӧгъяс 9:12 - Коми Библия 2023

¹² [Пиӧй!] Тэ кӧ мывкыд морт, тэныд [да матыссаыдлы] таысь бур, мывкыдлунсӧ кӧ омӧльтан, ачыд сьӧкыдсӧ нуан. [Ылӧдчысьлӧн сёрниыс – тӧв пӧльыштӧм кодь, лэбач бӧрся вӧтлысьӧм кодь, ӧд сійӧ эновтӧ виноград йӧрӧ нуӧдан туйсӧ, вошӧ да ассьыс видз-мусӧ оз аддзы. Сійӧ ватӧм овтӧминті ветлӧ, косьмӧм муяс вуджӧ, абутӧмторсӧ чукӧртӧ.]

Шусьӧгъяс 9:12 Iomraidhean Croise

Иов 19:4

Ме кӧ збыльысь мыж вӧчи, менам мыжӧй ас вылам кольӧ.

Иов 22:21

Раммӧдчы Ен водзын, Иов, та пыр тэныд локтас быд бурыс.

Шусьӧгъяс 14:14

Бур морт аслас олӧмысь пӧтас, веськыдлунсӧ ӧтдортысь – асласысь.

Шусьӧгъяс 16:26

Мортыд уджалӧ, медым кынӧмпӧт перйыны, уджавнысӧ сылы рушкуыс тшӧктӧ.

Шусьӧгъяс 19:29

Мывкыдлунсӧ омӧльтысьӧс мыждӧм виччысьӧ, мывкыдтӧмлысь мышкусӧ – орс.

Исай 28:22

Сідзкӧ, дугдӧй лёкӧдны тайӧ юӧрсӧ, медым тіян кӧртӧдъясныд эз зэлавны ёнджыка на. Ӧд ме кывлі Ыджыдсянь, Господь Саваофсянь, мый тайӧ мусьыс ставсӧ лоӧ бырӧдӧма.

Езекиль 18:20

Кулас сӧмын мыж вӧчысьыс. Пиыс оз кывкут батьыслӧн мыж вӧсна, и батьыс пиыслӧн мыж вӧсна оз кывкут. Енмыс мынтысяс веськыда олысьлы сылӧн веськыдлуныс серти, а лёк вӧчысьлы – сылӧн лёклуныс серти.

Закар 12:14

тшӧтш мукӧд рӧдъяс пондасны бӧрдны.

Галатӧ 6:5

Ӧд быдӧн нуӧ ассьыс нӧб.

2 Петыр 3:16

Татшӧмторъяссӧ сійӧ висьталӧ быд гижӧдын. Мыйсюрӧ сэтысь сьӧкыд гӧгӧрвонысӧ. Та вӧсна ичӧт мывкыда йӧз да жеб эскысьяс мукӧд Гижӧдсӧ моз мӧдарӧ бергӧдӧны сылысь гижӧдъяссӧ. Тадзи кӧлалӧны ас выланыс бырӧдӧмсӧ.