Шусьӧгъяс 8:34 - Коми Библия 2023

³⁴ Майбыр менӧ кывзысь, коді быд лун сулалӧ менам дзиръя дорын, видзӧдӧ менам ӧдзӧсӧ.

Шусьӧгъяс 8:34 Iomraidhean Croise

Ӧксыяслӧн 3 небӧг 10:8

Шудаӧсь тэнад йӧзыд да тэнад кесйӧгъясыд, кодъяс век тэкӧд орччӧнӧсь да кылӧны тэнсьыд мывкыд сёрнитӧ.

Псалтыр 27:4

Мынтысь налы уджъясныс да лёк вӧчӧмныс серти, мынтысь налы сы серти, мый вӧчисны асланыс киӧн. Сет налы сійӧ, мый асьныс корсисны.

Псалтыр 84:10

Сійӧ регыд нин мездас Сыысь полысьясӧс, Сылӧн дзирдлуныс лоас миян му вылын.

Петӧм 12:7

Сэсся мед босьтасны сылысь вирсӧ да мавтасны ӧдзӧслысь кыкнанбок куричсӧ да вылыс куричсӧ сійӧ керкасьыс, кӧні кутасны сёйны яйсӧ.

Шусьӧгъяс 1:21

йӧзаинъясын чуксалӧ, карса дзиръя дорын шыасьӧ:

Шусьӧгъяс 3:13

Шуда сійӧ, коді аддзӧ мывкыдлунсӧ, майбыр сійӧ, коді вежӧрсялӧ.

Шусьӧгъяс 3:18

Мывкыдлуныс – олӧмыслӧн пу налы, кодъяс босьтӧны сійӧс, майбырӧсь найӧ, кодъяс видзӧны сійӧс.

Матвей 7:24

«Коді кылӧ Менсьым кывъясӧс да олӧ на серти, сійӧ из вылӧ керкасӧ лэптысь сюсь вежӧра морт кодь.

Лука 1:6

Найӧ кыкнанныс олісны Ен водзын веськыда, ставсӧ вӧчисны Господьлӧн тшӧктӧм серти.

Лука 10:39

Марпалӧн вӧлі Марья нима чой. Сійӧ пуксис Господь Исуслӧн кок дорӧ да кутіс кывзыны Сылысь висьталӧмсӧ.

Лука 11:28

Исус шуис: «Шудаӧсь Енлысь кывсӧ кылысьяс да Ен кыв серти олысьяс!»

Ап. уджъяс 2:42

Эскысьяс став сьӧлӧмнас кутчысисны апостолъяслӧн велӧдӧмӧ. Найӧ пыр ӧтлаын чукӧртчывлісны, нянь чегисны да кевмысисны.