Шусьӧгъяс 7:21 - Коми Библия 2023

²¹ Ань ылӧдліс зонмӧс мелі сёрнинас, кыскис ас дорас небыд кывъяснас.

Шусьӧгъяс 7:21 Iomraidhean Croise

Ӧксыяслӧн 4 небӧг 4:8

Ӧтчыд Елисей локтіс Шунем карӧ. Сэні оліс зэв озыр ань. Сійӧ ёна корис Елисейӧс пыравны сы ордӧ сёйны. И быд пӧрйӧ, кор Елисей волывліс тайӧ карас, сійӧ пыравліс сёйны тайӧ аньыс ордӧ.

Неемий 6:4

Найӧ нёльысь ыстылісны меным татшӧм корӧмсӧ, и ме пыр ӧткодя вочавидзлі налы.

Псалтыр 12:2

Господьӧй, гашкӧ, Тэ дзикӧдз вунӧдін менӧ? Дыр-ӧ Тэ кутан тупкыны меысь Ассьыд чужӧмбантӧ?

Шусьӧгъяс 5:3

Йӧз гӧтырыдлӧн сёрниыс ма моз визувтӧ, выйысь небыдджыка на мавтыштӧ,

Шусьӧгъяс 6:24

Найӧ видзасны тэнӧ шогмытӧм аньысь, йӧз гӧтырлӧн мавтыштан сёрниысь.

Шусьӧгъяс 7:22

Начкыны нуӧдан ӧш моз, [чеп йылӧ домалӧм пон моз,] лыйлыны нуӧдан кӧр моз зонмыд ань бӧрся муніс.

Шусьӧгъяс 7:5

Сэки найӧ видзасны тэнӧ йӧз гӧтырысь, аньысь, коді небыд кывъяснас кыскӧ ас дінас.

Лука 14:23

Мӧдыс вочавидзас: ”Пет карсьыс, ветлы туйяс-потшӧсъяс пӧлӧн да тшӧкты локнысӧ, медым менам керкаӧй вӧлі тыр.

Лука 24:29

Но найӧ эз лэдзны Сійӧс, шуалісны: «Кольччы миянкӧд. Луныс рытлань нёровтчӧ». Исус пырис накӧд керкаӧ да кольччис сэтчӧ.

Ап. уджъяс 16:15

да сійӧ став гортсаыскӧд пыртчис. Сэсся шуис миянлы: «Ті кӧ лыддянныд менӧ Господьлы эскысьӧн, пырӧй менам керкаӧ да олӧй ме ордын». Сійӧ корӧмӧн корис миянӧс ас дорас.

2 Коринфӧ 5:14

Миянӧн веськӧдлӧ Кристослӧн муслуныс, сійӧн ми мӧвпалам, мый ӧти кӧ куліс ставныс вӧсна, сідзкӧ, ставныс кулісны.

Ёрдысьяс 14:17

Гаж мунігчӧжыс гӧтырыс бӧрдӧмнас дӧзмӧдіс Самсонӧс. Сизимӧд луннас Самсон гӧгӧрвоӧдіс сылы нӧдкывсӧ, ӧд гӧтырыс пикӧ воштіс сійӧс. Гӧтырыс гӧгӧрвоӧдіс нӧдкывсӧ аслас войтырлы.

Ӧксыяслӧн 1 небӧг 28:23

Но Саул пыксис, шуис, ог пӧ кут сёйны. Но кесйӧгъясыслӧн да аньлӧн ёна корӧм бӧрын Саул кӧсйысис сёйны, чеччис му вывсьыс да пуксис вольпась вылӧ.