Шусьӧгъяс 6:23 - Коми Библия 2023

²³ Тшӧктӧмыс югыд вайӧ, туйдӧдӧмыс югдӧдӧ, ӧлӧдӧмыс олӧмӧ бергӧдӧ.

Шусьӧгъяс 6:23 Iomraidhean Croise

Олӧм 39:8

Но Ӧсип эз сетчы, а шуис сылы: «Менам ыджыдӧй ставсӧ, мый сылӧн эм, сетіс менам киӧ, и сылы аслас керкаын нинӧм вӧсна тӧждысьны оз ков.

Псалтыр 141:5

Ме шыася Господь дінӧ, шуа, мый Тэ – менам сайӧдчаніныс, менам пайыс ловъяяслӧн му вылын.

Псалтыр 19:8

Ӧтияс ошйысьӧны вӧвъяснас, мӧдъяс – тарантаснас, а ми ошйысям асланым Господь Ен нимӧн.

Шусьӧгъяс 10:17

Коді велӧдӧмсӧ кывзӧ, сійӧ олӧмыслӧн туй вылын, коді ӧлӧдӧмсӧ оз кывзы, сійӧ вошӧ.

Шусьӧгъяс 15:24

Мывкыд мортыд олӧмыслӧн туйӧд кайӧ, кулӧмаяслӧн оланінысь ылӧджык кежӧ.

Шусьӧгъяс 15:31

Коді ӧлӧдӧмсӧ кывзӧ, сійӧ – мывкыд морт.

Шусьӧгъяс 29:15

Ньӧр да ӧлӧдӧм сетӧны мывкыдлун, дӧзьӧртӧг быдмӧм зон янӧдӧ мамсӧ.

Шусьӧгъяс 3:18

Мывкыдлуныс – олӧмыслӧн пу налы, кодъяс босьтӧны сійӧс, майбырӧсь найӧ, кодъяс видзӧны сійӧс.

Шусьӧгъяс 4:13

Велӧдӧмӧй серти ов, эн коль сійӧс, видз сійӧс, ӧд сэні тэнад олӧмыд.

Шусьӧгъяс 4:4

велӧдіс тадзи: «Менсьым кывъясӧс пукты сьӧлӧмад, тшӧктӧмъясӧс видз да ов на серти.

Шусьӧгъяс 5:12

шуан: «Мыйла нӧ ме мустӧмті велӧдӧмсӧ, мыйла сьӧлӧмӧй нинӧмӧ пуктіс ӧлӧдӧмсӧ?

Еклесиаст 7:26

Ме гӧгӧрвои, мый кулӧм дорысь курыдджык сэтшӧм нывбаба, коді тыв кодь, кодлӧн сьӧлӧмыс – нальк, кодлӧн киясыс – чепъяс. Енлы шогмана морт пышйӧ сыысь, а мыжа мортӧс сійӧ тывйыштӧ.

Еклесиаст 7:5

Вежӧртӧмлысь сьылӧмсӧ кывзӧм дорысь бурджык кывзыны мывкыдалысь ӧлӧдӧмсӧ.

Исай 8:20

Шыасьӧй менам велӧдӧмӧй да гижӧдӧй дінӧ. Коді висьталӧ мӧд нога, оз тайӧ кывйыс серти, сылы аскиа луныс оз ло.

Еремей 21:8

Господь шуис меным: «Юӧрт Иуда войтырлы, мый Господь тадзи висьталӧ: Ме сета тіянлы бӧрйыны олӧмыслысь туйсӧ да кулӧмыслысь туйсӧ.

Езекиль 20:11

Сэні Ме сеті налы индӧд-тшӧктӧмъясӧс, и на серти олысь видзас ассьыс олӧмсӧ.

Левит 19:17

Эн мустӧмт матыссатӧ, а ӧлӧд сійӧс, медым сыкӧд ӧтвылысь мыж улас эн шед.

2 Петыр 1:19

Нӧшта на, миян эм пророкъяслӧн веськыд кыв. Ті бура вӧчанныд, кутчысянныд кӧ тайӧ кывъяс пемыдын ӧзйысь биӧ моз, кытчӧдз оз во лунъюгыдыс да оз мыччысь асъя кодзулыс тіян сьӧлӧмын.

Восьтӧм 2:5

Сідзкӧ, мӧвпышт, кысянь тэ усин, бергӧдчы да вӧч ассьыд медводдза уджъястӧ. Он кӧ бергӧдчы, регыд локта тэ дінӧ да вешта тэнсьыд бикоктӧ места вывсьыс.