Шусьӧгъяс 6:18 - Коми Библия 2023

¹⁸ лёк вӧчны мӧвпалысь сьӧлӧм, лёк вӧчны котӧртысь кок,

Шусьӧгъяс 6:18 Iomraidhean Croise

Олӧм 6:5

Кор Господь [Ен] аддзис, мый мувывса йӧзлӧн олӧмыс тшыкӧма, и мый налӧн мӧвпъясыс да сьӧлӧм кӧсйӧмъясыс пыр лёкӧсь,

Псалтыр 36:4

Бурмӧд сьӧлӧмтӧ Господьӧн, и Сійӧ збыльмӧдас тэнсьыд сьӧлӧм кӧсйӧмтӧ.

Шусьӧгъяс 1:16

Налӧн кокныс котӧртӧ лёксӧ вӧчны, тэрмасьӧ вир кисьтны.

Шусьӧгъяс 15:26

Лёк мортлысь мӧвпъяссӧ Господь зывӧктӧ, сӧстӧм мортлӧн кывъясыс Сылы шогманаӧсь.

Шусьӧгъяс 24:2

Найӧ олӧны лёк мӧвпъясӧн, лёк вӧчӧм йылысь сёрнитӧны.

Шусьӧгъяс 24:8

Коді мӧвпалӧ лёк вӧчӧм йылысь, сійӧс шуӧны лӧгалысьӧн.

Исай 59:7

Налӧн кокныс котӧртӧ лёксӧ вӧчны, найӧ тэрмасьӧны мыжтӧмлысь вир кисьтны. Налӧн мӧвпъясыс шогмытӧмӧсь, найӧ мырддялӧны да виалӧны.

Еремей 4:14

– Ерусалим, сӧстӧммӧд ассьыд сьӧлӧмтӧ лёксьыс, сэки тэ мездман. Дыр-ӧ на тэ пондан видзны сьӧлӧмад лёк мӧвпъястӧ?

Микей 2:1

Курыд шог налы, кодъяс дасьтысьӧны лёксӧ вӧчны, весиг вольпасяс куйлігӧн мӧвпалӧны та йылысь. Асывводзнас найӧ збыльмӧдӧны мӧвпъяснысӧ, лёксӧ вӧчны налӧн киныс вына.

Закар 8:17

Энӧ мӧвпалӧй лёксӧ вӧчны ӧта-мӧдныдлы, кыв сетіганыд энӧ пӧръясьӧй, ӧд ставсӧ тайӧс Ме мустӧмта, – висьталӧ Господь.

Римӧ 3:15

кокныс тэрыб вир кисьтны,