Шусьӧгъяс 6:12 - Коми Библия 2023

¹² Лёк вӧчысь – шогмытӧм морт, сійӧ ветлӧ-пӧръясьӧ,

Шусьӧгъяс 6:12 Iomraidhean Croise

Псалтыр 10:3

Кор жугӧдӧма подувсӧ, мый вермас вӧчны веськыда олысь?

Псалтыр 10:7

Ӧд Господь веськыда вӧчӧ, Сійӧ радейтӧ веськыдлунсӧ, веськыда олысьяс аддзасны Сылысь чужӧмбансӧ. Ошкӧм.

Псалтыр 101:3

Эн дзеб меысь Ассьыд чужӧмбантӧ, менам шогсигӧн копырт мелань Ассьыд пельтӧ. Тэ дінӧ ме шыася, тэрмась вочавидзны меным.

Псалтыр 36:3

Лача кут Господь вылӧ да вӧч бурсӧ, ов му вылас да видз збыльсӧ.

Псалтыр 59:7

Мезды Ассьыд мусаястӧ, дорйы найӧс Аслад веськыд кинад, вочавидз меным!

Шусьӧгъяс 10:32

Веськыда олысьлӧн кывъясыс шогманаӧсь, лёк вӧчысьлӧн – пежӧсь.

Шусьӧгъяс 11:6

Веськыда олысьӧс сылӧн веськыдлуныс мездӧ, а ылӧдчысьӧс сылӧн кӧсйӧмыс тывйыштӧ.

Шусьӧгъяс 16:27

Шогмытӧм мортыд лёксӧ вӧчны мӧвпалӧ, сылӧн сёрниыс сотысь би кодь.

Шусьӧгъяс 16:30

Синсӧ читкыралысь гусьӧн пурны мӧвпалӧ, пиньсӧ йирысь лёксӧ вӧчны лӧсьӧдчӧ. [Сійӧ пушкӧ лӧглунӧн.]

Шусьӧгъяс 17:4

Лёк вӧчысь кывзӧ наян сёрнияс, ылӧдчысь кывзӧ лёк вомаӧс.

Шусьӧгъяс 2:12

Мывкыдлуныс мездас тэнӧ лёк туйысь, видзас тэнӧ ылӧг вома мортысь,

Шусьӧгъяс 3:32

Наян сьӧлӧмаыд – зывӧк Господьлы, веськыда олысьыд – Сылӧн ёрт.

Шусьӧгъяс 4:24

Вомсьыд мед пӧръясьӧм оз пет, ылӧг сёрни ас дінсьыд вӧтлы.

Шусьӧгъяс 6:14

Сійӧ – ылӧг сьӧлӧма, пыр мӧвпалӧ лёк вӧчны, дугдывтӧг кӧдзӧ зыксьӧм.

Шусьӧгъяс 8:13

Коді Господьысь полӧ, сійӧ мустӧмтӧ лёксӧ. Тшапитчӧм да асьтӧ вылӧ пуктӧм, лёк оласног да ылӧг сёрни ме мустӧмта.

Еремей 24:2

Ӧти чуманас вӧлі зэв бур, водз кисьмӧм инжир вотӧс, а мӧдас вӧлі зэв лёк вотӧс, мый эз позь сёйнысӧ.

Матвей 12:34

Вижля йылӧм! Верманныд-ӧ бурсӧ висьтавны, асьныд кӧ лёкӧсь? Ӧд мыйӧн тырӧма мортыслӧн сьӧлӧмыс, сійӧ вомсьыс и петӧ.

Ап. уджъяс 20:30

Весиг тіян пӧвстысь сюрасны йӧз, кодъяс пондасны мӧдарӧ велӧдны да кыскыны ас бӧрсяыс велӧдчысьясӧс.

1 Тимофейлы 5:13

Керкаысь керкаӧ ветлігӧн найӧ весьшӧрӧ каднысӧ коллялӧны, суклясьӧны, быдлаӧ нырнысӧ сюйӧны да ковтӧм сёрни паськӧдӧны.

Яков 1:21

Та вӧсна эновтчӧй быдпӧлӧс пежсьыс да лёк вӧчӧмысь, рам сьӧлӧмӧн сибӧдӧй тіянлы висьталӧм кывсӧ, ӧд сійӧ вына мездыны тіянлысь ловнытӧ.

Яков 3:6

Миян кывным – тайӧ би. Миян вир-яйын сійӧ – лёк чукӧртанін, сійӧ пежалӧ дзоньнас вир-яйнымӧс. Ад бисянь ӧзйӧмӧн сійӧ сотӧ миянлысь став олӧмнымӧс.

Ӧксыяслӧн 1 небӧг 17:28

Давидлӧн Элиав нима ыджыд вокыс кывліс Давидлысь юасьӧмсӧ. Сійӧ скӧрмис Давид вылӧ да шуис: «Тэ мыйла татчӧ локтін? Кодлы овтӧминад эновтін ичӧт ыж чукӧртӧ? Ме тӧда тэнсьыд асныралӧмтӧ да ыкшаасьӧмтӧ. Тэ локтін, медым видзӧдлыны тышсӧ».