Шусьӧгъяс 5:21 - Коми Библия 2023

²¹ Господь аддзӧ мортлысь туйяссӧ, став туйсӧ сылысь мурталӧ.

Шусьӧгъяс 5:21 Iomraidhean Croise

2 Каднебӧг 16:9

Господьлӧн синмыс аддзӧ ставнас мусӧ. Сійӧ вынсьӧдӧ найӧс, кодъяслӧн сьӧлӧмныс йитчӧма Сыкӧд. Тэ вӧчин мывкыдтӧма, та вӧсна ӧнісянь тэнад муын лоӧны тышъяс».

Иов 14:16

Сэки Тэ кутан видзӧдны менам воськовъяс бӧрся, он кут кыйӧдны менсьым мыжъясӧс,

Иов 24:23

Енмыс видзӧ найӧс, та вӧсна налӧн эм лача, но Енмыс видзӧдӧ налӧн туй бӧрся.

Иов 31:4

Менсьым туйясӧс ӧмӧй Енмыс оз аддзы, менсьым воськовъясӧс ӧмӧй оз лыддьы?

Иов 34:21

Енмыс видзӧдӧ мортлӧн туй бӧрся, аддзӧ сылысь быд воськов.

Псалтыр 11:4

Но Господь бырӧдас ылӧдчысьясӧс, найӧс, кодъяс ошйысьӧны,

Псалтыр 17:3

Господьӧй, Тэ – менам зумыд изйыс да сайӧдчаніныс, менӧ Мездысьыс. Енмӧй, Тэ – менам изкыртаыс, Тэ вылӧ ме лача кута. Тэ – менам сайӧдыс, вына Дорйысьыс да Видзысьыс.

Шусьӧгъяс 15:3

Господьлӧн синмыс ставсӧ аддзӧ, лёк йӧзӧс и бур йӧзӧс.

Шусьӧгъяс 4:26

Мӧвпышт, кутшӧм туйӧд мунны, воськовъясыд мед лоӧны зумыдӧсь.

Шусьӧгъяс 5:6

Сійӧ оз кӧсйы тӧдны олан туйсӧ, оз тӧд, кытчӧ вайӧдас сылӧн туйыс.

Еремей 16:17

Ӧд найӧ оз вермыны дзебсьыны Меысь, Менам синмӧй аддзӧ налысь туйяссӧ, и налӧн лёк вӧчӧмъясыс пыр Менам син водзынӧсь.

Еремей 17:10

Ме, Господь, видзӧда мортлӧн сьӧлӧмӧ, туяла мортлысь пытшкӧссӧ, Ме мынтыся быдӧнлы сылӧн туйясыс серти, сылӧн уджъяслӧн вотӧсыс серти.

Еремей 23:24

Вермас ӧмӧй мортыс дзебсьыны, медым Ме эг аддзы сійӧс? – висьталӧ Господь. – Ме ӧмӧй абу быдлаын, енэжас и му вылас? – висьталӧ Господь.

Еремей 29:23

Ӧд Израильын найӧ вӧчисны зывӧкторъяс: найӧ пежалісны гозъякост олӧм мукӧдлӧн гӧтыръяскӧд, Менам нимсянь висьтавлісны ылӧгсӧ, мый Ме эг тшӧктывлы висьтавны. Ме тӧда та йылысь, ӧд Ачым аддзылі тайӧс, – висьталӧ Господь».

Еремей 32:19

Тэнад шуӧмъясыд мывкыдӧсь, Тэнад уджъясыд вынаӧсь, Тэ аддзан мортлысь туйяссӧ, быдӧнлы мынтысян сылӧн туйясыс серти, сылӧн уджъяслӧн вотӧсыс серти.

Осий 7:2

Найӧ оз вежӧртны, мый налысь лёк уджъяссӧ Ме тӧд вылын кута. Ӧні налӧн уджъясныс кытшалӧмаӧсь найӧс, налӧн лёк вӧчӧмныс Менам чужӧмбан водзын.

Еврейяслы 4:13

Енсьыс некод оз дзебсьы, Сылы ставыс восьса, ставыс тыдалана. Сылы ставсьыс сетам вочакыв.

Восьтӧм 2:18

«Фиатира вичкоса анделлы тадзи гиж: Со мый висьталӧ Ен Пи, кодлӧн синмыс ыпъялӧ би моз, а кокыс дзирдалӧ донӧдӧм ыргӧн моз.

Восьтӧм 2:23

Езавельлӧн челядьлы Ме мӧдӧда кулӧм. Сэки быд вичко кутас тӧдны, мый Ме эм сьӧлӧм пытшкӧс да мӧвпъяс Тӧдысь, Ме мынтыся тіянлы уджъясныд серти.