Шусьӧгъяс 4:23 - Коми Библия 2023

²³ Ставсьыс медъёна видз ассьыд сьӧлӧмтӧ, ӧд сьӧлӧмыд – олӧмыслӧн визувтанін.

Шусьӧгъяс 4:23 Iomraidhean Croise

Ӧксыяслӧн 4 небӧг 10:31

Но Еху эз зіль став сьӧлӧмсяньыс овны Господьлӧн, Израиль Енлӧн, Индӧд серти. Еху эз эновтчы сійӧ мыжъяссьыс, мыйӧн Еровам коркӧ кежӧдіс Израиль войтырӧс мыжас.

Шусьӧгъяс 11:16

Мича гӧтырӧс ошкӧны, [Мича гӧтыр ошкӧм вайӧ верӧсыслы, а коді мустӧмтӧ веськыдлунсӧ, янӧдӧ верӧссӧ. Дышъяс овлӧны гӧльӧсь,] уджач мортыд озырмӧ.

Шусьӧгъяс 13:3

Топыд вома видзӧ ассьыс ловсӧ, паськыд вома бырӧдас асьсӧ.

Шусьӧгъяс 16:17

Веськыда олысьлӧн туйыс кежӧ лёксьыс, аслас туй бӧрся видзӧдысь олӧмсӧ видзас.

Шусьӧгъяс 22:5

Ылӧдчысьлӧн туйыс лежнӧга, тывъясӧн зэвтӧма, тэныд кӧ олӧмыд дона, эн мун сэтчӧ.

Шусьӧгъяс 23:19

Кывзы, пиӧй, мывкыдсяв, веськыд туй вылӧ бергӧд сьӧлӧмтӧ.

Шусьӧгъяс 28:26

Ас вылас лача кутысь – вежӧртӧм, мывкыда олысь повтӧг ветлӧ.

Шусьӧгъяс 3:21

Пиӧй, видз вежӧртӧ да мывкыдлунтӧ, эн ылыстчы наысь,

Шусьӧгъяс 4:7

Олӧмас медся коланаыс – мывкыдлун, корсь сійӧс, ставсӧ сет, медым вежӧрсявны.

Еклесиаст 5:13

Виччысьтӧг суӧм лёктор вӧсна морт воштӧ озырлунсӧ, и пиыслы нинӧм оз вичмы.

Еремей 17:9

Мортлӧн сьӧлӧмыс наян, сійӧс он вермы вежнысӧ. Коді тӧдӧ мортлысь сьӧлӧмсӧ?

Матвей 15:18

Мый петӧ вомсьыд, сійӧ петӧ сьӧлӧмсьыд да пежалӧ асьсӧ мортсӧ.

Матвей 15:19

Буретш сьӧлӧмысь петӧны лёк мӧвпъяс, морт виӧм, гозъякост олӧм пежалӧм, кырсалӧм, гусясьӧм, пӧръясьӧм да омӧльтӧм.

Марк 14:38

Энӧ узьӧй, кевмысьӧй, мед ыштӧдӧмыс эз вермы тіянӧс. Лолыд ӧд пыр дась, а вир-яйыд жеб».

Лука 6:45

Бур морт аслас бур сьӧлӧмысь бурсӧ петкӧдӧ, лёк морт аслас лёк сьӧлӧмысь лёксӧ петкӧдӧ. Ӧд мыйӧн тырӧма мортыслӧн сьӧлӧмыс, сійӧ вомсьыс и петӧ».

Индӧд 4:9

Сюся видзӧдӧй ас бӧрсяныд, видзӧй сьӧлӧмнытӧ. Энӧ вунӧдӧй, мый аддзылінныд асланыд синмӧн, видзӧй сійӧс сьӧлӧманыд став олан лунъяс чӧжныд да висьталӧй сы йылысь асланыд ныв-пилы да налӧн ныв-пиыслы.

Еврейяслы 12:15

Видзчысьӧй, мед тіян пӧвстысь некод эз вошты Енлысь буралӧмсӧ. Некутшӧм курыд вуж мед оз вужъясь тіян пӧвстӧ, оз вай тіянлы лёксӧ да оз пежав некодӧс.