Шусьӧгъяс 4:18 - Коми Библия 2023

¹⁸ Веськыда олысьлӧн туйыс – асъя югӧр кодь, сійӧ ӧтарӧ югдӧ луншӧра югыдӧдз.

Шусьӧгъяс 4:18 Iomraidhean Croise

Ӧксыяслӧн 2 небӧг 23:4

асъя кыа кодь, кымӧртӧм енэжын дзирдалысь шонді кодь, зэрӧм бӧрын петысь веж турун кодь».

Иов 11:17

Тэнад олӧмыд лоӧ луншӧра югыд кодь, тэнӧ кытшалысь пемыдыс лоӧ асъя югыд кодь.

Иов 17:9

Но веськыда олысь оз кеж аслас туй вылысь, сӧстӧм киа морт вынсялас-зумыдмас.

Иов 23:10

Но Сійӧ тӧдӧ менсьым туйӧс, зарниӧс моз Сійӧ тӧдмалӧ менӧ биӧн.

Псалтыр 84:7

Он ӧмӧй выльысь ловзьӧд миянӧс, медым Тэнад войтырыд вермис нимкодясьны Тэӧн?

Шусьӧгъяс 13:9

Веськыда олысьлӧн биыс югыда ломалӧ, лёк вӧчысьлӧн – кусӧ. [Наян сьӧлӧма вошӧ мыжас, веськыда олысь жалитӧ да буралӧ.]

Шусьӧгъяс 15:24

Мывкыд мортыд олӧмыслӧн туйӧд кайӧ, кулӧмаяслӧн оланінысь ылӧджык кежӧ.

Шусьӧгъяс 2:20

Сідзкӧ, ветлы бур йӧзлӧн туйӧд, веськыда олысьяс моз ов.

Шусьӧгъяс 2:9

Тэ кӧ кывзан менӧ, сэки гӧгӧрвоан, мый сэтшӧм веськыдлуныс, веськыда вӧчӧмыс да збыльыс, тӧдмалан бурыслысь туйсӧ.

Исай 26:7

Веськыда олысьлӧн туйыс шыльыд. Тэ дасьтан сылы веськыд туй.

Даниил 12:3

Нэмъяс чӧж мывкыдаяс пондасны дзирдавны югыд кыа моз, веськыдлунас унаӧс туйдӧдысьяс – кодзувъяс моз.

Осий 6:3

Сідзкӧ, тӧдмаламӧй Господьӧс, сьӧлӧмсянь зілямӧй тӧдны Сійӧс. Сійӧ локтас, и тайӧ збыль, кыдзи асъя кыалӧн петӧмыс збыль. Сійӧ локтас миян дінӧ зэр моз, мусӧ киськалысь тувсовъя зэр моз».

Матвей 5:14

Ті – йӧзыслы югыдыс. Керӧсын сулалысь кар оз вермы саявны.

Матвей 5:16

Тадзи мед югдӧдас тіян югыдныд, медым йӧзыс аддзасны тіянлысь бур вӧчӧмнытӧ да ошкасны енэжвыв Батьнытӧ».

Матвей 5:45

Сэки лоанныд енэжвыв Батьныдлы ныв-пиӧн. Сійӧ тшӧктӧ шондіыслы ӧтмоза шонтыны лёк да бур йӧзӧс, сетӧ зэрсӧ веськыда да лёкнога олысьяслы.

Иоан 8:12

Исус бара сёрнитіс йӧзыскӧд. Сійӧ шуис: «Ме эм йӧзыслы югыдыс. Ме бӧрся мунысь оз кут ветлыны пемыдас, сылӧн лоӧ олӧмыслӧн югыдыс».

2 Коринфӧ 3:18

Ми ставным чужӧмнымӧс вевттьытӧг видзӧдам Господьлӧн дзирдлун вылӧ да рӧмпӧштанысь моз аддзам Сылысь дзирдлунсӧ. Сы вылӧ видзӧдӧмӧн ми лунысь-лун вежсям да кутам дзирдавны Сы моз жӧ. Татшӧмнас вӧчӧ миянӧс Господьлӧн Лолыс.

Филипӧ 2:15

медым ті вӧлінныд Енлӧн сӧстӧм, мыжтӧм да пежасьтӧм челядьӧн. Сэки тайӧ тшыксьӧм да пежасьӧм йӧз пӧвстас ті лоанныд дзирдалысь кодзувъяс кодьӧсь.

2 Петыр 1:19

Нӧшта на, миян эм пророкъяслӧн веськыд кыв. Ті бура вӧчанныд, кутчысянныд кӧ тайӧ кывъяс пемыдын ӧзйысь биӧ моз, кытчӧдз оз во лунъюгыдыс да оз мыччысь асъя кодзулыс тіян сьӧлӧмын.

2 Петыр 3:18

Быдмӧй буралӧмас да миян Мездысь Исус Кристос Господьнымӧс тӧдмалӧмас. Сылы ошкӧмыс ӧні да нэмъяс чӧж. Аминь.

Восьтӧм 21:23

Карыслы югзьӧдӧм вылӧ оз ков шонді ни тӧлысь, ӧд Енлӧн дзирдлуныс югзьӧдӧ сійӧс, а сылӧн биыс – Баляыс.

Восьтӧм 22:5

Войыс сэні оз ло. Налы оз нин ков бисянь либӧ шондісянь югыдыс, ӧд налӧн югзьӧдысьнас лоас Господь Ен. Найӧ кутасны ыджыдавны нэмъяс чӧж.

Ёрдысьяс 5:31

Господьӧй, тадзи мед бырасны Тэнӧ мустӧмтысьяс. Но Господьӧс радейтысьяс мед лоасны шонді кодьӧсь, аслас вынӧн кыпӧдчысь шонді кодьӧсь. Та бӧрын нелямын во чӧж Израиль муын эз вӧвны тышъяс.