Шусьӧгъяс 29:3 - Коми Библия 2023

³ Мывкыдсӧ радейтысь долыдмӧдӧ батьсӧ, а коді ветлӧ кырсалысь аньяс дінӧ, лотӧ эмбурсӧ.

Шусьӧгъяс 29:3 Iomraidhean Croise

Шусьӧгъяс 10:1

Соломонлӧн шусьӧгъяс. Мывкыд пи гажӧдӧ батьсӧ, вежӧртӧм пи мамыслы шог вайӧ.

Шусьӧгъяс 15:20

Мывкыд пи батьыслысь сьӧлӧмсӧ гажӧдӧ, мывкыдтӧм – мамсӧ мустӧмтӧ.

Шусьӧгъяс 21:17

Гажӧдчыны радейтысьыд гӧльмӧ, вина юысьыд да уна вый сёйысьыд оз озырмы.

Шусьӧгъяс 21:20

Мывкыд мортлӧн керкаын уна озырлун да сёян, а вежӧртӧм мортыд ставсӧ лотӧ-шердйӧ.

Шусьӧгъяс 23:15

Пиӧй, тэ кӧ мывкыд сьӧлӧма, таысь и менам сьӧлӧмӧй нимкодясьӧ.

Шусьӧгъяс 27:11

Пиӧй, ло мывкыд, сьӧлӧмӧс гажӧд, сэки ме верма воча кыв шуны менӧ лёкӧдысьлы.

Шусьӧгъяс 28:19

Му вӧдитысь оз кут тшыгъявны, абутӧмсӧ кыйӧдысь дзикӧдз гӧльмас.

Шусьӧгъяс 28:7

Индӧд серти олысь пи – вежӧра, но коді ёртасьӧ эмбур лотысьяскӧд, сійӧ янӧдӧ ассьыс батьсӧ.

Шусьӧгъяс 6:26

Киысь киӧ ветлысь аньлы няньӧн мынтысян, а йӧз гӧтыр вӧсна тэ меддонаторсӧ, олӧмтӧ, воштан.

Лука 15:13

Кымынкӧ лун мысти ичӧт пиыс босьтас ассьыс пайсӧ да мунас ылі муӧ. Сэні кокньыд оласногысла лотас ставсӧ.

Лука 15:30

Тэнад тайӧ пиыд лотіс став овмӧссӧ кырсалысь аньяскӧд. Ӧні локтіс да, тшӧгӧдӧм куканьӧс начкин сылы!”