Шусьӧгъяс 29:13 - Коми Библия 2023

¹³ Дзескӧдысь да гӧль морт ӧткодьӧсь, кыкнанныслы Господь югыдсӧ сетӧма.

Шусьӧгъяс 29:13 Iomraidhean Croise

Ездра 9:8

Но дженьыд кад кежлӧ Господь, миян Енным, петкӧдліс Ассьыс буралӧмсӧ миян дінӧ. Сійӧ мездіс миян войтырлысь коляссӧ да лэдзис миянлы бӧр овмӧдчыны Аслас вежа карӧ. Миян Енным сетіс югъявны миян синъяслы, кесйӧг туйын оліганым сетіс миянлы ловзьыштны.

Псалтыр 13:3

Но ставныс кежӧмаӧсь, ӧтитӧг шогмытӧмӧсь, бур вӧчысьыс абу, весиг ӧтик абу.

Шусьӧгъяс 22:2

Озыр да гӧль морт ӧткодьӧсь, кыкнаннысӧ Господь вӧчӧма.

Матвей 5:45

Сэки лоанныд енэжвыв Батьныдлы ныв-пиӧн. Сійӧ тшӧктӧ шондіыслы ӧтмоза шонтыны лёк да бур йӧзӧс, сетӧ зэрсӧ веськыда да лёкнога олысьяслы.

Матвей 9:9

Исус водзӧ муніс да аддзис вотчукӧртанінын пукалысь Матвей нима мортӧс. Исус шуис сылы: «Лок Ме бӧрся». Сійӧ чеччис да муніс Исус бӧрся.

1 Коринфӧ 6:10

гусясьысьлы, горшасьысьлы, кодалысьлы, суклясьысьлы да мырддялысьлы – татшӧм йӧзыслы оз вичмы Енлӧн Юраланіныс.

Ефесӧ 2:1

Енмыс ловзьӧдіс тіянӧс, мыжъясныд да лёк вӧчӧмныд вӧсна кулӧмаясӧс.