Шусьӧгъяс 27:8 - Коми Библия 2023

⁸ Чужанінсӧ кольысь мортыд позсӧ эновтысь лэбач кодь.

Шусьӧгъяс 27:8 Iomraidhean Croise

Олӧм 21:14

Ӧвраам чеччис водз асывнас, босьтіс нянь да кучик дозйын ва, ӧшӧдіс нопсӧ Агарлы пельпом вылас да ыстіс сійӧс пиыскӧд. Агар муніс да вошис Бер-Шева овтӧминын.

Олӧм 4:16

Каин мӧдӧдчис Господьлӧн чужӧмбан водзысь Нод муӧ, Эдэмсянь асыввылӧ, да овмӧдчис сэтчӧ.

Ӧксыяслӧн 3 небӧг 11:22

Фараон юаліс: «Тэныд ӧмӧй мыйкӧ оз тырмы ме ордын? Мыйла тэ кӧсъян мунны аслад муӧ?» Хадад вочавидзис: «Тырмӧ. Но кора, лэдз менӧ». [И муніс Хадад аслас муӧ.]

Ӧксыяслӧн 3 небӧг 19:9

Сэні сійӧ узьмӧдчис кырта горсйӧ. Войнас сылы вӧлі Господьсянь кыв. Господь шуис: «Илля, тэ мыйла тані?»

Шусьӧгъяс 21:16

Коді кежӧ мывкыдлуныслӧн туйысь, кулӧмаяскӧд куйлыны кутас.

Шусьӧгъяс 26:2

Кыдзи пышкай жбыркнитӧ, кыдзи джыдж лэбзьӧ – тадзи нинӧм абусьыс ёрӧмыс вешйӧ тэ дінысь.

Шусьӧгъяс 27:7

Коді пӧт, сылы весиг маыд мустӧм, но коді тшыг, сылы и курыдыс юмов кажитчӧ.

Исай 16:2

Арнон ю вуджигӧн моавса нывъяс лоӧны пышйысь лэбачьяс кодьӧсь, позсьыныс шыбитӧмаяс кодьӧсь.

Иона 1:3

Иона шуис пышйыны Господьысь Фарсисӧ. Локтіс Иоппия карӧ. Сэні корсис Фарсисӧ мунысь корабль, мынтысис туйысь да пуксис сы вылӧ, мед кывтны Господьысь ылӧджык.

1 Коринфӧ 7:20

Быдӧн мед лоӧ сэтшӧмӧн, кутшӧмӧн вӧлі Енлӧн коригас.

Иуда 1:13

Найӧ – саридзвывса гыяс, кодъяс лёкысь быгзьӧны асланыс янӧдан уджъясӧн. Найӧ – вошласьысь кодзувъяс, кодъяслы век кежлӧ дасьтӧма сап пемыдсӧ.

Ӧксыяслӧн 1 небӧг 22:5

Но Гад нима пророк шуис Давидлы: «Пет сайӧдчанінысь да мун Иуда муӧ». Сэки Давид муніс херетса вӧрӧ.