Шусьӧгъяс 26:21 - Коми Библия 2023

²¹ Ӧгыр сетӧ шоныд, пессянь кыптӧ би, а пинясьысь пестӧ лӧглун.

Шусьӧгъяс 26:21 Iomraidhean Croise

Ӧксыяслӧн 2 небӧг 20:1

Вензьысьяс пӧвстын вӧлі Венямин чужанкотырысь Бикрилӧн Шевей пиыс. Сійӧ вӧлі лёк морт. Шевей букӧстіс буксанӧн да горӧдіс: «Давид миянлы некод! Ессей пикӧд миянӧс нинӧм оз йит! Израиль войтыр, мунӧй быдӧн асланыд чомйӧ!»

Ӧксыяслӧн 3 небӧг 12:20

Израиль войтыр тӧдмаліс, мый Еровам бӧр локтӧма [Египетысь]. Сэки найӧ чукӧртчисны, корисны Еровамӧс да пуктісны сійӧс ӧксыӧ Израильлы. Сӧмын Иуда [да Венямин] чужанкотыр кольччис Давид рӧдкӧд.

Псалтыр 120:4

Сійӧ оз вуграв да оз узь, Сійӧ видзӧ Израильӧс.

Шусьӧгъяс 10:12

Лӧглуныд зык-вен чужтӧ, а муслуныд вевттьӧ став мыжсӧ.

Шусьӧгъяс 15:18

Скӧралысь мортыд зыксьӧм кӧдзӧ, дӧзмытӧмыд – зык-венсӧ дугӧдӧ.

Шусьӧгъяс 29:22

Скӧралысь мортыд зыксьӧм кӧдзӧ, ӧдйӧ пузьысь уна мыж вӧчӧ.

Шусьӧгъяс 30:33

Ӧд йӧвтӧ кӧ гудралан, артмӧ вый, нырад кӧ зургасны, петӧ вир, скӧрлун кӧ кӧдзан, вундан зыксьӧм.