Шусьӧгъяс 23:21 - Коми Библия 2023

²¹ Юысь-кодалысьяс да восмӧныс сёйысьяс гӧльмӧны, унзіль олӧмыд пасьтӧдас киссьӧм паськӧмӧ.

Шусьӧгъяс 23:21 Iomraidhean Croise

Шусьӧгъяс 18:9

Суклясьысьлӧн кывъясыс чӧскыдӧсь, кынӧм пытшкӧдзыд пырӧны.

Шусьӧгъяс 19:15

Дышӧдчигад унзіль личкывлӧ, дыш морттӧ тшыгъялӧм суӧ.

Шусьӧгъяс 21:17

Гажӧдчыны радейтысьыд гӧльмӧ, вина юысьыд да уна вый сёйысьыд оз озырмы.

Еклесиаст 10:18

Дышлӧн йиркыс ӧшалӧ, кисӧ сюркнялӧмӧн пукалысьлӧн керка вевтыс письтӧ.

Йоиль 1:5

Садьмӧй, кодалысьяс, ырзӧмӧн бӧрдӧй, сыркъялӧмӧн бӧрдӧй, вина юысьяс, ӧд босьтӧма тіян вомдорысь винанытӧ.

Матвей 11:19

Морт Пи локтіс, сёйӧ-юӧ, Сы йылысь шуӧны, рушку тыртысь да вина юысь пӧ, вот перйысьяскӧд да мыжаяскӧд ёртасьысь пӧ. Мывкыдлунсӧ пыдди пуктӧны мывкыдлуныслӧн челядь».

1 Коринфӧ 5:11

Но ме сёрнита сэтшӧм морт йылысь, коді шуӧ асьсӧ эскысьӧн, но ачыс кырсалӧ, горшасьӧ, суклясьӧ, гусясьӧ, кодалӧ да идоллы юрбитӧ – татшӧмыскӧд энӧ кутӧй некутшӧм йитӧд. Весиг энӧ сёйӧй сыкӧд ӧтлаын!

1 Коринфӧ 6:10

гусясьысьлы, горшасьысьлы, кодалысьлы, суклясьысьлы да мырддялысьлы – татшӧм йӧзыслы оз вичмы Енлӧн Юраланіныс.

Галатӧ 5:21

вежалӧм, виӧм, кодалӧм-гажӧдчӧм да мукӧд шогмытӧмтор на. Водзынсӧ висьтавлі нин, ӧні нӧшта висьтала: татшӧмторсӧ вӧчысьлы Енлӧн Юраланіныс оз вичмы.

Индӧд 21:20

да шуасны: ”Миян пиным асныралӧ, этшсӧ оз тӧд да миянлысь оз кывзысь. Сӧмын сёйӧ-юӧ да кодалӧ”.

Филипӧ 3:19

Налӧн помыс – кулӧм, налӧн енмыс – рушкуныс, найӧ ошйысьӧны асланыс янӧдан уджъясӧн. Найӧ мӧвпалӧны сӧмын мувывсаыс йылысь.