Шусьӧгъяс 22:11 - Коми Библия 2023

¹¹ Кодлы муса сӧстӧм сьӧлӧм, коді лӧсьыда-бура сёрнитӧ, сылы ӧксы ёрт лоӧ.

Шусьӧгъяс 22:11 Iomraidhean Croise

Ӧксыяслӧн 3 небӧг 4:5

Нафанлӧн Азарий пиыс веськӧдліс ӧксыув муясын юралысьясӧн. Завуд поп, Нафанлӧн пиыс, вӧлі ӧксыӧс туйдӧдысь.

Эсфир 10:3

Иудей Мардокей вӧлі Артаксеркс ӧксы бӧрся медыджыд морт. Иудейяс пӧвстын Мардокей вӧлі пыдди пуктана да радейтана, ӧд сійӧ кӧсйис сӧмын бурсӧ аслас войтырлы да тӧждысис на вӧсна. [Мардокейлӧн висьталӧм: «Ставыс тайӧ вӧлі Енсянь. Тайӧ лоӧмторъяс йылысь вӧтӧй ставнас иніс, и ме ог вунӧд сійӧс. Ичӧт ва петанін лои юӧн. Вӧлі югыд, вӧлі шонді да уна ва. Юыс вӧлі Эсфир, кодӧс ӧксы босьтіс гӧтырӧ да пуктіс ӧксы-аньӧ. Кык гундырыс – тайӧ ме да Аман. Войтыръяс чукӧртчисны бырӧдны иудейясӧс, но менам Израиль войтырӧй шыасис Ен дінӧ да мездмис. Господь мездіс Ассьыс войтырсӧ, видзис миянӧс став лёксьыс. Енмыс петкӧдліс индысьпасъяс да вӧчис ыджыд шензьӧданаторъяс – татшӧмыс некор эз вӧвлы мукӧд войтыръяс пӧвстын. Енмыс лӧсьӧдіс Аслас войтырлы ӧтитор, мукӧд войтыръяслы – мӧдтор, тадзи Аманлысь пудъясьӧмсӧ бергӧдіс мӧдарӧ. Воис кад инны пудъясьӧмыслы, воис лун мыждыны Енлы войтыръясӧс. Енмыс эз вунӧд Ассьыс войтырсӧ, веськыда вӧчис Аслас бӧрйӧм войтырлы. Та вӧсна быд во нэмъяс чӧж адар тӧлысь дас нёльӧд да дас витӧд лунъясӧ Енлӧн Израиль войтыр мед чукӧртчас Ен водзӧ да гажӧдчас нимкодясьӧмӧн». Птоломейлӧн да Клеопатралӧн нёльӧд ӧксыалан воӧ Досифей да сылӧн Птоломей пиыс вайӧмаӧсь пурим йылысь тайӧ гижӧдсӧ Александрия карӧ. Шуӧны, мый Досифейыс вӧлӧма попӧн да левитӧн. Гижӧдсӧ вуджӧдіс Птоломейлӧн Лисимах пиыс, коді оліс Ерусалимын.]

Псалтыр 101:6

гораа бӧрдӧмӧйла менам сӧмын лы-кучикӧй коли.

Псалтыр 24:4

Господьӧй, инды меным Ассьыд туйтӧ, велӧд менӧ ветлыны Тэнад кок туйӧд.

Псалтыр 45:2

Енмыс – миянлы сайӧдчаніныс да выныс, Сійӧ тэрмасьӧ отсавны шог дырйи.

Шусьӧгъяс 14:35

Ӧксыыд бур сьӧлӧма мывкыд кесйӧг дінӧ, но сійӧс янӧдысь кесйӧг вылӧ скӧрмӧ.

Шусьӧгъяс 16:13

Ӧксылы шогмана веськыда сёрнитысь, сылы муса збыльсӧ висьталысь.

Шусьӧгъяс 22:12

Господь видзӧ збыльсӧ, а ылӧдчысьлысь сёрнисӧ Сійӧ бырӧдӧ.

Еклесиаст 10:12

Мывкыдалӧн сёрниыс сьӧлӧм вылад воӧ, вежӧртӧмлӧн вомыс асьсӧ виӧ.

Даниил 3:30

Тэнсьыд тшӧктӧмъястӧ ми эгӧ кывзӧй, на серти эгӧ олӧй. Ми эгӧ вӧчӧй Тэнад тшӧктӧмъясыд серти, а вӧчим кӧ, миянлы эськӧ бур вӧлі.

Матвей 5:8

Шудаӧсь сӧстӧм сьӧлӧмаяс, ӧд найӧ Енмӧс аддзасны.

Лука 4:22

Ставӧн ошкисны Исусӧс да шензисны Сы вомысь петӧм буралан кывъясысь да шуалісны: «Абу-ӧ Сійӧ Ӧсиплӧн пи?»