Шусьӧгъяс 21:13 - Коми Библия 2023

¹³ Коді оз кыв гӧль мортлысь бӧрдӧмӧн корӧмсӧ, сійӧс асьсӧ оз кывны, кор кутас бӧрдны-корны.

Шусьӧгъяс 21:13 Iomraidhean Croise

Неемий 5:13

Сэсся ме пыркниті ассьым паськӧмӧс да шуи: «Тадзи Енмыс мед пыркнитас Аслас керкаысь да Аслас муысь быдӧнӧс, коді ассьыс кывсӧ оз кут. Тадзи сійӧс кушӧдз лоӧ пыркнитӧма». Став войтырыс шуис ”аминь” да ошкис Енмӧс. Ассьыныс кывсӧ найӧ кутісны.

Иов 29:12

ӧд ме мездывлі отсӧг корысь гӧль мортӧс, дорйылі батьтӧм-мамтӧмӧс, кор сылы некод эз отсав.

Псалтыр 58:4

ӧд найӧ кыйӧдӧны босьтны менсьым олӧмӧс. Господьӧй, ме лёктор да мыж эг вӧч, но вынаяс усьласьӧны ме вылӧ.

Шусьӧгъяс 1:28

Сэки ті кутанныд чуксавны менӧ, а ме ог кыв, кутанныд корсьысьны менӧ, но онӧ аддзӧй.

Шусьӧгъяс 28:27

Гӧльлы сетысь оз гӧльмы, а коді оз отсав гӧльлы, сійӧс ёрӧм суас.

Матвей 6:14

Прӧститанныд кӧ мӧдлысь мыжъяссӧ, сэки енэжвыв Батьныд прӧститас тіянӧс.

Матвей 7:2

Ӧд тіян мыждӧмныд ас выланыд бӧр воас. Асланыд мурталӧм серти тіянлы мурталасны.

Лука 13:25

Воас кад, кор керка кутысь чеччас да йигналас ӧдзӧссӧ. Ывласяньыс ӧдзӧсӧ игӧдчӧмӧн понданныд вӧзйысьны: ”Ыджыдӧй, Ыджыдӧй, восьт миянлы!” Сійӧ вочавидзас: ”Кодъяс ті? Ме ог тӧд тіянӧс”.

Ап. уджъяс 7:57

Сэки чукӧртчысьяс пельнысӧ тупкӧмӧн лёкгоршӧн пондісны равзыны, ставныс уськӧдчисны Степан вылӧ.

1 Иоан 3:17

Вермас-ӧ Енлӧн муслуныс лоны сійӧ морт пытшкас, кодлӧн ставыс эм, но вокыслысь гӧльлунсӧ аддзигӧн сійӧ чорзьӧдӧ сьӧлӧмсӧ да оз отсав сылы?