Шусьӧгъяс 20:7 - Коми Библия 2023

⁷ Веськыд мортыд сӧстӧм оласнога, майбырӧсь сылӧн ныв-пиыс.

Шусьӧгъяс 20:7 Iomraidhean Croise

Олӧм 17:7

Ме кӧртала тэкӧд да тэсянь чужысьяскӧд нэмъяс кежлӧ йитӧд, Ме лоа тэнад да тэсянь чужысьяслӧн Енмӧн.

Иов 1:1

Уц муын оліс Иов нима морт. Сійӧ вӧлі сӧстӧм сьӧлӧма веськыд морт, поліс Енсьыс да ӧтдортчис лёксьыс.

Псалтыр 112:2

Господьлысь нимсӧ мед лоӧ ошкӧма ӧні и нэмъяс чӧж!

Псалтыр 15:2

Ме шуи Господьлы: «Тэ – менам Ыджыдӧй, Тэ медбурыс, мый менам эм».

Псалтыр 26:1

Давидлӧн псалом. [Давид лӧсьӧдіс тайӧ сьыланкывсӧ сійӧс ӧксыӧ мавтышттӧдз.] Господь – менам югыдыс, менӧ Мездысьыс. Кодысь меным повнысӧ? Господь – менсьым олӧмӧс Видзысьыс. Кодысь меным повнысӧ?

Псалтыр 26:11

Господьӧй, велӧд менӧ ветлыны Тэнад туйӧд, менӧ мустӧмтысьяс понда сувтӧд менӧ веськыд туй вылӧ.

Шусьӧгъяс 13:22

Мыж вӧчысьӧс лёкыс суӧ, а веськыда олысьлы бурыс вичмӧ.

Шусьӧгъяс 14:2

Господьысь полысь веськыд туйӧд мунӧ, Господьӧс мустӧмтысь вошӧ.

Шусьӧгъяс 14:26

Господьысь полӧмыс – тэнад зумыд лачаыд, Сыысь полӧмыс видзас тшӧтш тэнсьыд ныв-питӧ.

Шусьӧгъяс 19:1

Гӧль да сӧстӧма олысьыд бурджык ылӧдчысь [озыр] мортысь, коді нӧшта на вежӧртӧм.

Исай 33:15

Сійӧ, коді олӧ веськыда да висьталӧ збыльсӧ, коді оз кӧсйы озырмӧдчыны мукӧдсӧ дзескӧдӧмӧн, коді оз босьт козин, а мыждӧ веськыда, коді оз кӧсйы ӧтувтчыны вир кисьтысьяскӧд, коді мустӧмтӧ лёк вӧчысьяслысь уджъяссӧ.

Еремей 32:39

Ме сета налы ӧти кӧсйӧм да ӧти туй, медым став олӧм чӧжныс найӧ вежавидзӧмӧн полісны Меысь, ӧд тайӧ лоӧ налы да налӧн челядьлы бур вылӧ.

Лука 1:6

Найӧ кыкнанныс олісны Ен водзын веськыда, ставсӧ вӧчисны Господьлӧн тшӧктӧм серти.

Ап. уджъяс 2:39

Ӧд тайӧс кӧсйысьӧма тіянлы, тіян ныв-пилы да став ылісаыслы – дзик быдӧнлы, кодӧс корас Господь, миян Енным».

2 Коринфӧ 1:12

Ми ошйысям, мый тайӧ муюгыдас олысьяскӧд, торйӧн нин тіянкӧд, вӧлім восьсаӧсь да веськыдӧсь, олім Енлысь кывзысьӧмӧн. Та вӧсна миян сьӧлӧмным оз мыжды миянӧс. Ми ӧд эгӧ асланым мывкыд серти олӧй, миянӧн веськӧдліс Енлӧн буралӧмыс.