Шусьӧгъяс 19:10 - Коми Библия 2023

¹⁰ Вежӧртӧмлы оз лӧсяв красуйтчана да лышкыда олӧм, кесйӧглы – ӧксыяс вылын ыджыдалӧм.

Шусьӧгъяс 19:10 Iomraidhean Croise

Ӧксыяслӧн 2 небӧг 3:39

Менӧ мавтыштӧмӧн пуктӧма ӧксыӧ, но ӧні ме абу на сэтшӧм вына. А тайӧ йӧзыс, Саруялӧн пияныс, меысь ёна вынаджыкӧсь. Сідзкӧ, Господь мед Ачыс мынтысяс лёк вӧчысьлы сылӧн лёк вӧчӧмысь!»

Эсфир 3:15

Гижӧд нуысьяс тэрмасьӧмӧн мунісны паськӧдны ӧксылысь тшӧктӧмсӧ. Юӧртісны тшӧтш Суза изкарын. Ӧксы да Аман пуксисны юны-гажӧдчыны, а Суза кар ёна шызис.

Шусьӧгъяс 17:7

Вежӧртӧмлы оз лӧсяв тӧдчана сёрни нуӧдны, пыдди пуктана мортлы – пӧръясьны.

Шусьӧгъяс 26:1

Кыдзи гожӧм шӧрын лым да вундан кадӧ зэр – тадзи вежӧртӧмӧс оз лӧсяв ошкынысӧ.

Исай 3:5

Йӧзыс кутасны дзескӧдны ӧта-мӧднысӧ, быдӧн – ассьыс матыссасӧ. Том зон кутас омӧльтны пӧрысь мортӧс, некытчӧ туйтӧм кутас лёкӧдны пыдди пуктанаӧс.

Осий 9:1

– Эн нимкодясь, Израиль, эн гажӧдчы мукӧд войтыръяс моз. Кырсалысь ань моз тэ эновтін ассьыд Ентӧ, быд гумла вылын вузалан асьтӧ, таысь босьтӧм удждонтӧ тэ радейтан.

Лука 16:19

«Вӧлі озыр морт. Сійӧ новліс пемыдгӧрд да шабді паськӧм, быд лун лышкыда гажӧдчис.

Лука 16:23

Адын мучитчигӧн озыр морт лэптіс синсӧ да аддзис ылынкодь Ӧвраамӧс да сы дорысь Лазарӧс.

Яков 4:9

Шогсьӧй, сыркъялӧй да бӧрдӧй! Тіян серамныд мед пӧрас бӧрдӧмӧ, а гажӧдчӧмныд – шогсьӧмӧ.

Ӧксыяслӧн 1 небӧг 25:36

Авигея локтіс гортас. Навал вӧлі лӧсьӧдӧма ӧксылы кодь ыджыд гаж. Сійӧ гажӧдчис да кодаліс. Авигея кыв эз шу сылы асылӧдзыс.