Шусьӧгъяс 17:8 - Коми Библия 2023

⁸ Мортыд чайтӧ, мый сылӧн козиныс – шуд вайысь из: быдлаысь, кытчӧ мунас, шуд аддзас.

Шусьӧгъяс 17:8 Iomraidhean Croise

Олӧм 32:14

кыксё кӧзаӧс, кызь ай кӧзаӧс, кыксё ыжӧс, кызь межӧс,

Олӧм 32:21

Сійӧ ыстіс козинъяссӧ водзвылас, а ачыс узьмӧдчис сувтанінас.

Олӧм 43:11

Израиль батьныс шуис налы: «Но мый сэсся вӧчан? Сідзкӧ, босьтӧй да нуӧй тайӧ мортыслы миян муысь козинъяс: мавтасъяс, ма, чӧскыд дука сиръяс, ладан, фисташ да миндаль кольтусьяс.

Псалтыр 19:6

Сэки ми кутам нимкодясьны тэнад вермӧмысь, Ен нимӧн ми кыпӧдам вермӧм йылысь дӧрапас. Господь мед могмӧдас став тэнсьыд корӧмтӧ!

Псалтыр 21:13

Уна ӧш чукӧртчисны ме гӧгӧр, васанса тшӧгӧдӧм ӧшъяс кытшалісны менӧ.

Псалтыр 29:4

Господьӧй, Тэ петкӧдін менсьым лолӧс пыдӧстӧминысь, ловзьӧдін менӧ, и менӧ эз гуавны.

Петӧм 23:8

Эн босьт козин, ӧд козин босьтӧмыс синтӧммӧдӧ синмаӧс, и сійӧ мыждӧ веськыда вӧчысьӧс.

Шусьӧгъяс 17:23

Ентӧг олысь гусьӧн козинтӧ босьтӧ, медым торкны веськыда мыждӧмсӧ.

Шусьӧгъяс 18:16

Вежӧра мортлӧн сьӧлӧмыс тӧдӧмлунсӧ аддзӧ, мывкыд мортлӧн пельыс тӧдӧмлунсӧ корсьӧ.

Шусьӧгъяс 21:14

Гусьӧн сетӧм козин кусӧдӧ лӧглун, питшӧгысь сетӧмтор лӧньӧдӧ ыджыд скӧрлун.

Еклесиаст 7:7

Мӧдӧс дзескӧдӧм вӧсна и мывкыда морт лоӧ вежӧртӧмӧн, козин босьтӧмыд тшыкӧдӧ сьӧлӧмтӧ.

Исай 1:23

Тэнад юралысьясыд – Индӧд торкысьяс, найӧ ӧтувтчӧны гусясьысьяскӧд. Найӧ радейтӧны козинъяс, босьтӧны бокыса сьӧм. Батьтӧм-мамтӧмӧс найӧ оз дорйыны, дӧвалысь корӧмсӧ нинӧмӧ пуктӧны.

Амос 5:12

Ме тӧда, кутшӧм уна тіян лёк вӧчӧмныд, тӧда, кутшӧм уна тіян мыжъясныд. Веськыда олысьӧс ті дзескӧданныд, козинъяс босьтанныд, ёрд вылын коньӧрӧс мыжтӧгыс мыжданныд.

Микей 7:3

Налӧн киныс кыптӧ лёк вӧчны, найӧ кужӧмӧн лёксӧ вӧчӧны. Веськӧдлысь козин корӧ, ёрдысь сьӧм босьтӧ, юралысь аслас лёк кӧсйӧмъяс йылысь сёрнитӧ. Найӧ ставныс збыльсӧ гугӧдӧны.

Индӧд 16:19

Веськыда мыждӧмсӧ энӧ торкӧй, чужӧм вылӧ энӧ видзӧдӧй, козинъяс энӧ босьтӧй. Ӧд козин босьтӧмыс синтӧммӧдӧ мывкыда мортӧс, и сійӧ мыждӧ веськыда вӧчысьӧс.

Ӧксыяслӧн 1 небӧг 25:35

Давид босьтіс Авигеялысь вайӧм сёянсӧ да шуис: «Мун лӧнь сьӧлӧмӧн гортад. Ме кылі тэнсьыд корӧмтӧ, и вӧча сы серти».