Шусьӧгъяс 17:21 - Коми Библия 2023

²¹ Вежӧртӧмӧс чужтысь аслыс шог вайӧ, нимкодьлунсӧ батьыслы вежӧртӧмыд оз вай.

Шусьӧгъяс 17:21 Iomraidhean Croise

Олӧм 26:34

Исавлы вӧлі нелямын арӧс, кор сійӧ босьтіс гӧтырӧ кык аньӧс: хеттей Берлысь Егудита нывсӧ да хеттей Элонлысь Васемата нывсӧ.

Ӧксыяслӧн 2 небӧг 18:33

Ӧксы шогӧ усис. Сійӧ чеччис да кайис стенвывса жырйӧ. Мунігмозыс бӧрдӧмӧн шуаліс: «Авессалом пиӧй, Авессалом пиӧй! Бурджык, ме кӧ кулі тэ пыдди, пиукӧй!»

Шусьӧгъяс 10:1

Соломонлӧн шусьӧгъяс. Мывкыд пи гажӧдӧ батьсӧ, вежӧртӧм пи мамыслы шог вайӧ.

Шусьӧгъяс 15:20

Мывкыд пи батьыслысь сьӧлӧмсӧ гажӧдӧ, мывкыдтӧм – мамсӧ мустӧмтӧ.

Шусьӧгъяс 17:25

Вежӧртӧм пи батьсӧ дӧзмӧдӧ, аслас мамыслы курыд шог вайӧ.

Шусьӧгъяс 19:13

Вежӧртӧм пиыд ыджыд шог вайӧ батьыслы, броткысь гӧтырыд – письтӧм керка вевт кодь.

2 Коринфӧ 2:3

Дзик та йылысь ме гижлі тіянлы, медым тіянӧ воа да, меным эз ковмы шогсьыны сійӧ йӧзыс вӧсна, код вӧсна колӧ нимкодясьны. Ме тӧда, меным кӧ нимкодь, тіянлы ставныдлы тшӧтш нимкодь.

3 Иоан 1:4

Меным вывті нимкодь кывны, мый менам челядь ветлӧны збыляс.

Ӧксыяслӧн 1 небӧг 8:3

Найӧ эз ветлыны батьыслӧн туйӧд да эз веськыда мыждыны йӧзсӧ, а сетчисны горшасьӧмӧ да босьтісны козинъяс.