Шусьӧгъяс 17:12 - Коми Библия 2023

¹² Йӧй руа вежӧртӧм морткӧд паныдасьӧм дорысь бурджык паныдасьны пиянсӧ воштӧм ошкӧд.

Шусьӧгъяс 17:12 Iomraidhean Croise

Ӧксыяслӧн 2 небӧг 17:8

Тэ ӧд тӧдан ассьыд батьтӧ да сылысь йӧзсӧ. Найӧ повтӧмӧсь да зэв скӧрӧсь, ошпиянсӧ воштӧм ош кодьӧсь [да видз вылын шӧйтысь скӧр кабан кодьӧсь]. Тэнад батьыд зэв сюсь веськӧдлысь, сійӧ оз ӧтилаын кут узьлыны аслас тышкайӧзкӧд.

Ӧксыяслӧн 4 небӧг 2:24

Елисей бергӧдчис налань, видзӧдліс на вылӧ да ёрис Господь нимӧн. Сэки кык ош петісны вӧрсьыс да косявлісны зонпосни пӧвстысь нелямын кык зонкаӧс.

Шусьӧгъяс 17:11

Лёк морт Енлы паныд кыпӧдчӧ, та понда Енмыс мӧдӧдас сылы паныд чорыд сьӧлӧма анделӧс.

Шусьӧгъяс 27:3

Изйыд сьӧкыд и лыаыд абу кокньыд, но вежӧртӧмлӧн дӧзмӧдӧмыс сьӧкыдджык на.

Шусьӧгъяс 28:15

Эргысь лев да тшыг ош – татшӧм лёк юралысь гӧль войтырлы.

Шусьӧгъяс 29:9

Мывкыд морт кор ёрдын вензьӧ вежӧртӧмкӧд, лӧгалӧ ли сералӧ вежӧртӧмыд – лӧньлуныс сылӧн абу.

Осий 13:8

Пиянсӧ воштӧм ош моз Ме уськӧдча тэ вылӧ, косявла морӧс кудсьыд сьӧлӧмтӧ, лев моз сёя тэнӧ, звер моз чашъя тэнӧ.

Матвей 2:16

Ирӧд кор тӧдмаліс, мый тӧдысьяс ылӧдлісны сійӧс, ёна скӧрмис. Сійӧ мӧдӧдіс шыпуртаясӧс, медым виавны Виплием карысь да сы гӧгӧрысь кык арӧса да ичӧтджык пи кагаясӧс, кодъяс чужисны сійӧ кадӧ, мый йылысь тӧдысьяс юӧртісны Ирӧдлы.