Шусьӧгъяс 16:6 - Коми Библия 2023

⁶ Буралӧм да збыль вештӧны мыжсӧ, Господьысь полӧм ылыстӧ лёксьыс.

Шусьӧгъяс 16:6 Iomraidhean Croise

Олӧм 20:11

Ӧвраам шуис: «Ме чайті, мый татчӧс йӧзыс оз повны Енсьыс да гӧтыр вӧсна вермасны вины менӧ.

Неемий 5:15

Меӧдз вӧвлӧм юралысьяс сьӧктӧдлӧмаӧсь войтырсӧ. Нелямын сикель эзысьысь ӧтдор найӧ босьтлӧмаӧсь нянь да вина. Весигтӧ налӧн кесйӧгъясыс дзескӧдлӧмаӧсь войтырсӧ. Но ме Енмысь полӧм вӧсна эг вӧч на моз.

Неемий 5:9

Сэки ме шуи налы: «Ті лёктор вӧчанныд. Тіянлы колӧ овны асланым Енмысь полӧмӧн, медым мустӧмтысь войтыръяс эз омӧльтны миянӧс.

Иов 28:28

Мортлы Енмыс шуис: «Господьысь полӧм эм мывкыдлун, лёксьыс ылыстчӧм эм сюсь вежӧр».

Псалтыр 85:10

Ӧд Тэ ыджыд, Тэ вӧчан шензьӧданаторъяс. Тэ – Ен, и мӧдыс абу.

Петӧм 1:17

Гӧгиньяс полісны Енмысь, та вӧсна эз кутны кывзыны египетса ӧксыӧс, пи кагаясӧс найӧ ловйӧн кольлісны.

Петӧм 20:20

Мӧисей шуис войтырыслы: «Энӧ полӧй. Енмыс локтіс [тіян дінӧ], медым тӧдмавны тіянӧс, медым ті полінныд Сыысь да энӧ вӧчӧй мыж».

Шусьӧгъяс 14:16

Мывкыд морт полӧ да ылыстчӧ лёксьыс, вежӧртӧм – ӧдйӧ пузьӧ да аслыс сӧмын эскӧ.

Шусьӧгъяс 14:2

Господьысь полысь веськыд туйӧд мунӧ, Господьӧс мустӧмтысь вошӧ.

Шусьӧгъяс 14:27

Господьысь полӧмыс вайӧ олӧм, ылыстӧ кулӧмыслӧн тывйысь.

Шусьӧгъяс 16:5

Господь зывӧктӧ ыкша мортӧс, мыждытӧг сійӧс оз коль. [Бур туйыд веськыда вӧчӧмсянь заводитчӧ, вись вайӧм дорысь Енмыслы тайӧ шогманаджык. Господьӧс корсьысь аддзас тӧдӧмлун да веськыдлун, сьӧлӧмсяньыс Господьӧс корсьысь аддзас лӧньлун.]

Шусьӧгъяс 20:28

Буралӧмыс да збыльыс ӧксыӧс видзӧны, буралӧмнас ӧксы юралӧмсӧ ёнмӧдӧ.

Шусьӧгъяс 3:3

Эн эновт буралӧмсӧ да збыльсӧ, гартышт найӧс сьылі гӧгӧрыд, гиж найӧс сьӧлӧмад.

Шусьӧгъяс 3:7

Асьтӧ сюсьӧ эн пукты, Господьысь пов да ылыстчы лёксьыс.

Шусьӧгъяс 8:13

Коді Господьысь полӧ, сійӧ мустӧмтӧ лёксӧ. Тшапитчӧм да асьтӧ вылӧ пуктӧм, лёк оласног да ылӧг сёрни ме мустӧмта.

Даниил 4:24

Та вӧсна, ӧксыӧй, кывзы менсьым туйдӧдӧмӧс. Аслад мыжъясысь вештысь веськыда вӧчӧмнад, аслад лёк вӧчӧмъясысь – гӧльяс дінӧ буралӧмнад. Сэки, гашкӧ, водзӧ кутан бура овны».

Даниил 4:27

да шуаліс: «Со, ыджыд Вавилон кар, ӧксылӧн карыс. Сійӧс ме кыпӧді аслам ыджыд вынӧн, медым сійӧ вайис меным ошкӧм-нимӧдӧм».

Левит 25:17

Энӧ пӧръялӧй ӧта-мӧднытӧ. Полӧй асланыд Енмысь, ӧд Ме – Господь, тіян Енныд.

Лука 11:41

Сетӧй корысьяслы, мый дозмук пытшкас. Сэки ставыс тіян лоӧ сӧстӧм.

Иоан 15:2

Вотӧс вайтӧм увъяссӧ Сійӧ кералӧ, а вотӧс вайысь увсӧ Сійӧ весалӧ, медым вайис унджык вотӧс на.

Ап. уджъяс 15:9

Сылӧн син водзын миян да на костын абу некутшӧм торъялӧм, эскӧм понданыс Сійӧ сӧстӧммӧдіс налысь сьӧлӧмнысӧ.

2 Коринфӧ 7:1

Мусаяс, со мыйта кӧсйысьӧм Енмыс сетӧма миянлы! Сідзкӧ, весалам ассьыным вир-яйнымӧс да ловнымӧс став пежсьыс. Кутам овны Енсьыс полӧмӧн, Сылӧн вежалуныс мед тырвыйӧ лоӧ миян пытшкын!

Ефесӧ 5:21

Енсьыс полӧмӧн кывзысьӧй ӧта-мӧдныдлысь.

Индӧд 30:13

Индӧдыс абу саридз сайын, сідзкӧ, эн шу: ”Коді ветлас саридз сайӧ да ваяс миянлы сійӧс, медым ми кылім да олім сы серти?”

1 Петыр 1:22

Лов отсӧгӧн збыльыслысь кывзысьӧмӧн ті сӧстӧмминныд, медым восьса сьӧлӧмӧн верминныд радейтны мукӧд эскысьӧс. Сідзкӧ, сьӧлӧмсяньныд радейтӧй ӧта-мӧднытӧ.