Шусьӧгъяс 15:5 - Коми Библия 2023

⁵ Вежӧртӧм нинӧмӧ пуктӧ батьыслысь велӧдӧмсӧ, но коді кывзӧ ӧлӧдӧмсӧ, сійӧ – бур мывкыда. [Веськыдлунын – ыджыд вын, а лёк вӧчысьясӧс лоӧ бырӧдӧма му вывсьыс.]

Шусьӧгъяс 15:5 Iomraidhean Croise

1 Каднебӧг 28:20

Давид шуис аслас Соломон пиыслы: «Ло зумыд да повтӧм, босьтчы уджӧ! Эн пов, эн майшась, ӧд Господь Ен, менам Енмӧй, тэкӧд. Сійӧ оз коль, оз эновт тэнӧ, но отсалас помавны Господьлысь крам вӧчан уджъяссӧ.

1 Каднебӧг 28:9

А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ.

Псалтыр 141:5

Ме шыася Господь дінӧ, шуа, мый Тэ – менам сайӧдчаніныс, менам пайыс ловъяяслӧн му вылын.

Шусьӧгъяс 1:23

Кывзӧй менсьым янӧдӧмӧс, ме тырта тіянӧс мывкыдлунӧн, тӧдмӧда тіянӧс аслам кывъясӧн.

Шусьӧгъяс 1:7

Тӧдӧмлуныс чужӧ Господьысь полӧмсянь, [Сыысь полӧмӧн олысь – вежӧра морт, Господьӧс пыдди пуктӧмсянь чужӧ вежӧрлуныс,] сӧмын вежӧртӧм йӧз мустӧмтӧны мывкыдлунсӧ да велӧдӧмсӧ.

Шусьӧгъяс 10:1

Соломонлӧн шусьӧгъяс. Мывкыд пи гажӧдӧ батьсӧ, вежӧртӧм пи мамыслы шог вайӧ.

Шусьӧгъяс 13:1

Мывкыд пи кывзӧ батьыслысь велӧдӧмсӧ, батьсӧ омӧльтысь ӧлӧдӧмсӧ оз кывзы.

Шусьӧгъяс 13:18

Юӧр вайысь кӧ лёк, ачыс лёкас веськалӧ, кывзысьысь кӧ, мездӧм вайӧ.

Шусьӧгъяс 15:4

Мелі сёрни олӧм вайӧ, а ылӧг сёрни ловтӧ жугӧдӧ.

Шусьӧгъяс 15:6

Веськыда олысь керкаын озырлуныс уна, а лёк вӧчысьлӧн удждоныс шогӧдӧ.

Шусьӧгъяс 19:20

Кывзы туйдӧдӧмсӧ да сибӧд ӧлӧдӧмсӧ, сэки мывкыд лоан.

Шусьӧгъяс 25:12

Мывкыд мортлӧн ӧлӧдӧмыс сійӧс кывзысьлы пельтӧ мичмӧдысь зарни исерга кодь.

Шусьӧгъяс 6:23

Тшӧктӧмыс югыд вайӧ, туйдӧдӧмыс югдӧдӧ, ӧлӧдӧмыс олӧмӧ бергӧдӧ.

Титлы 1:13

Веськыда шуӧма на йылысь. Та вӧсна чорыда янӧд татшӧм йӧзсӧ, медым налӧн эскӧмыс вӧлі веськыд.

Титлы 2:15

Тадзи велӧд, ышӧд да янӧд тэныд сетӧм вынӧн. Эн сет асьтӧ некодлы увтыртны.