Шусьӧгъяс 13:2 - Коми Библия 2023

² Аслас бур кывъясысь мортыд бурнас пӧтӧ, ылӧдчысьыд вины-дзескӧдны видзӧдчӧ.

Шусьӧгъяс 13:2 Iomraidhean Croise

Псалтыр 75:8

Енмӧй, Тэ повзьӧдана! Тэнад скӧралігӧн коді вермас сулавны Тэ водзын?

Шусьӧгъяс 1:18

а тайӧ йӧзыс ассьыныс вирсӧ кисьтны дасьӧсь, асланыс ловлы лэчсӧ пуктӧны.

Шусьӧгъяс 1:31

Та вӧсна понданныд сёйны, мый быдтінныд, кутанныд пӧткӧдчыны асланыд лёк мӧвпъясӧн.

Шусьӧгъяс 10:11

Веськыда олысьлӧн вомысь олӧм визувтӧ, а Ентӧг олысьлӧн вомыс лёкӧн тырӧма.

Шусьӧгъяс 11:23

Веськыда олысьлӧн кӧсйӧмыс бурӧ вайӧдӧ, лёк вӧчысьлӧн – скӧрлунӧ.

Шусьӧгъяс 12:14

Аслас бур кывъясысь мортыд бурнас пӧтӧ, мортыдлы тырдоныс уджъясыс серти вичмӧ.

Шусьӧгъяс 18:20

Лӧгасьӧм вокыд – сибавтӧм изкар, зык-вензьӧмыд – дзиръяын тас.

Шусьӧгъяс 18:21

Мортыд сёрнитӧмнас пӧтӧ, вомсьыс петан кывъяснас пӧткӧдчӧ.

Шусьӧгъяс 4:17

Ӧд лёк вӧчӧмыс налы нянь сёйӧм кодь, виалӧм-дзескӧдӧмыс – вина юӧм кодь.

Осий 10:13

Ті кӧдзинныд пежсӧ, вундінныд лёксӧ, ті сёйинныд ылӧгыслысь вотӧссӧ, ӧд ті лача кутінныд асланыд туй вылӧ, уна лыда тышкайӧзныд вылӧ.

Аввакум 2:17

Ливанӧс куштӧм-бырӧдӧмыд бергӧдчас ас вылад, пемӧсъясӧс виалӧмсьыд кутан повны-дзӧрны. Йӧзлысь вирсӧ кисьтӧмысь, муяс да каръяс пазӧдӧмысь, сэні став олысьсӧ виалӧмысь асьтӧ лоӧ бырӧдӧма.

Аввакум 2:8

Кыдзи тэ куштін войтыръясӧс, тадзи жӧ войтыръяс пӧвстысь колясыс вӧчас тэкӧд. Йӧзлысь вирсӧ кисьтӧмысь, муяссӧ, каръяссӧ да сэтчӧс олысьяссӧ бырӧдӧмысь найӧ тэнӧ асьтӧ куштасны.

Восьтӧм 16:6

Йӧзыс кисьтісны вежа войтырлысь да пророкъяслысь вирсӧ, та вӧсна Тэ юктӧдан найӧс вирӧн, мынтысян налы уджъясныс серти.