Шусьӧгъяс 13:13 - Коми Библия 2023

¹³ Коді мустӧмтӧ туйдӧдӧмсӧ – аслыс лёксӧ вӧчӧ, а коді пыдди пуктӧ тшӧктӧмъяссӧ – тырдон босьтӧ.

Шусьӧгъяс 13:13 Iomraidhean Croise

2 Каднебӧг 36:16

Но найӧ лёкӧдісны Енсянь юӧртысьясӧс да нинӧмӧ пуктісны Сылысь кывъяссӧ. Найӧ омӧльтісны Енлысь пророкъяссӧ сэтчӧдз, кытчӧдз Господь эз скӧрмы Аслас войтыр вылӧ, и налы эз вӧв мездмӧмыс.

Ездра 10:3

Ми кӧрталам йитӧд асланым Енкӧд да кӧсйысям ыстыны ас дінысь гӧтыръяснымӧс ныв-пиныскӧд. Вӧчам тайӧс, ыджыдӧй, тэнсьыд кывзысьӧмӧн да миян Енлысь тшӧктӧмъяссӧ пыдди пуктысьяслысь кывзысьӧмӧн. Мед ставыс лоӧ Индӧд серти.

Петӧм 9:20

Фараонлӧн йӧзыс, кодъяс повзисны Господьлӧн кывйысь, пырысьтӧм-пыр йӧрталісны ыж-мӧснысӧ лэбулӧ, а кесйӧгъясныслы тшӧктісны пырны керкаӧ.

Шусьӧгъяс 1:25

Ті ӧтдортінныд менсьым туйдӧдӧмӧс, менсьым янӧдӧмӧс энӧ сибӧдӧй.

Шусьӧгъяс 13:12

Дыр виччысьӧмысь сьӧлӧмыд нюкыртчӧ, збыльмӧм кӧсйӧмыд олӧмыслӧн пу кодь.

Шусьӧгъяс 13:21

Мывкыд морткӧд кӧ волысян, мывкыд лоан, вежӧртӧмкӧд кӧ ёртасян, аслыд лёксӧ вӧчан.

Шусьӧгъяс 16:20

Мӧвпалӧмӧн уджсӧ вӧчысь бурсӧ аддзас, Господь вылӧ лача кутысь – майбыр.

Шусьӧгъяс 19:16

Тшӧктӧмъяс серти олысь ассьыс олӧмсӧ видзӧ, веськодя олысь кулӧ.

Исай 66:2

Ставсӧ тайӧс вӧчӧма Менам киӧн, ставыс тадзи лои, – висьталӧ Господь. – Но Ме видзӧдла коньӧр да рам морт вылӧ, коді вежавидзӧ Менам кывйысь.

Еремей 43:2

сэки Хошайлӧн Азарий пиыс, Карейлӧн Иоханан пиыс да мукӧд кывзысьтӧм йӧз шуисны Еремейлы: «Тэ ылӧдчан! Господь, миян Ен, эз мӧдӧдлы тэнӧ ӧлӧдны миянӧс Египетӧ мунӧмысь да сэтчӧ овмӧдчӧмысь.

Езекиль 20:13

Но Израиль войтыр кыпӧдчис Меным паныд овтӧминын. Найӧ бокӧ вештісны Менсьым индӧд-тшӧктӧмъясӧс, на серти эз овны, медым видзны ассьыныс олӧмнысӧ. Менсьым шойччан лунӧс найӧ пежалісны. Сэки Ме шуи, мый овтӧминын кисьта на вылӧ Ассьым скӧрлунӧс да бырӧда найӧс.

Езекиль 20:16

Найӧ вештісны Менсьым индӧд-тшӧктӧмъясӧс бокӧ, эз овны на серти, пежалісны Менсьым шойччан лунӧс, ӧд сьӧлӧмнысӧ бергӧдісны идолъяслань.

Езекиль 20:24

сыысь, мый найӧ эз овны Менам индӧд-тшӧктӧмъяс серти, а бокӧ вештісны найӧс, пежалісны Менсьым шойччан лунӧс да синнысӧ бергӧдісны асланыс батьяслӧн идолъяслань.

Малакий 3:16

Господьысь полысьяс кор сёрнитӧны ӧта-мӧдныскӧд, Господь аддзӧ да кылӧ тайӧс. Сылӧн чужӧмбан водзын казьтылан небӧгӧ гижӧны на йылысь, кодъяс полӧны Господьысь, кодъяс пыдди пуктӧны Сылысь нимсӧ.

Лыд 15:31

ӧд сійӧ мустӧмтіс Господьлысь кывсӧ да торкис Сылысь тшӧктӧмсӧ. Тайӧ мортсӧ лоӧ бырӧдӧма, мыжыс кольӧ сы вылӧ».

Матвей 5:12

Долыда нимкодясьӧй, ӧд ыджыд тырдон виччысьӧ тіянӧс енэжас. Тадзи войдӧр тшӧтш вӧтлісны пророкъясӧс».

Лука 16:31

Сэки Ӧвраам шуис сылы: ”Мӧисейӧс да пророкъясӧс кӧ оз кывзыны, найӧ оз эскыны весиг кулӧмысь ловзьысьлы”».

2 Иоан 1:8

Видзӧдӧй ас бӧрсяныд, медым ми эгӧ воштӧй сійӧ, мый вӧсна миян уджалӧма, но медым ми вермим босьтны удждонсӧ дзоньнас.