Шусьӧгъяс 12:21 - Коми Библия 2023

²¹ Веськыда олысьӧс лёкыс оз су, а лёк вӧчысьлӧн олӧмыс тырӧма шогнас.

Шусьӧгъяс 12:21 Iomraidhean Croise

Псалтыр 121:7

Тэнад карса стенъяс вылын мед лоӧ лӧнь олӧм, тэнад изкарын – бур олӧм.

Псалтыр 91:10

Господьӧй, Тэнӧ мустӧмтысьяс кулӧны, лёксӧ вӧчысьяс разалӧны.

Шусьӧгъяс 1:31

Та вӧсна понданныд сёйны, мый быдтінныд, кутанныд пӧткӧдчыны асланыд лёк мӧвпъясӧн.

Шусьӧгъяс 1:33

Но менӧ кывзысь пондас овны повтӧг да лӧня, сылы оз ков повны лёксьыс».

Шусьӧгъяс 11:21

Тӧд, мый лёк морт мыждытӧг оз коль, а веськыда олысьлӧн рӧдыс мездмас.

Шусьӧгъяс 12:20

Лёк вӧчны мӧвпалысьлӧн сьӧлӧмыс наян, бурас туйдӧдысьлӧн – долыд.

Шусьӧгъяс 14:14

Бур морт аслас олӧмысь пӧтас, веськыдлунсӧ ӧтдортысь – асласысь.

Шусьӧгъяс 19:23

Господьысь полӧмыд олӧмтӧ видзӧ, сэки и чӧскыда узян, и лёкыс оз су тэнӧ.

Еклесиаст 7:18

Бур, тэ кӧ кутчысян воддза тшӧктӧмас и мӧдсьыс он ӧтдортчы, ӧд Енсьыс полысьӧс бырӧдӧмыс оз су.

Еклесиаст 8:5

Ӧксылӧн тшӧктӧм серти олысь оз шед лёкас. Мывкыда морт тӧдӧ, кор-мый вӧчнысӧ,

Аввакум 2:16

Тэ пӧтмӧныд яналан, ошкӧмыс тэныд оз ло. Ӧні ю – мед пасьтӧгыд тэнӧ аддзасны. Господь кисьтас Ассьыс скӧрлуна дозсӧ тэ вылӧ, нималӧм пыдди тэныд лоӧ яналӧм.

Римӧ 8:28

Ми тӧдам, мый Енсӧ радейтысьяслы, Сылӧн шуӧм сертиыс корӧмаяслы, Сійӧ ставсӧ бергӧдӧ бур вылӧ.

2 Коринфӧ 4:17

Миян сьӧкыдалӧмыс кокньыд, сӧмын регыдъя, но таысь вичмас миянлы помтӧм-дортӧм да бырлытӧм дзирдлун.

1 Петыр 3:13

Коді вӧчас тіянлы лёксӧ, ті кӧ сьӧлӧмсяньныд вӧчанныд бурсӧ?

Восьтӧм 18:6

Мынтысьӧй сылы сійӧн жӧ, мыйӧн ачыс мынтысис тіянлы. Кык пӧвстӧн мынтысьӧй сылӧн уджъяссьыс. Чашаас, кытысь сійӧ юкталіс тіянӧс, дасьтӧй сылы винасӧ кык пӧв курыдджыкӧс на.