4 Дышӧдчысь киыд гӧльмӧдӧ, а зільыд – озырмӧдӧ.
Тайӧ луннас Исааклӧн кесйӧгъясыс юкмӧс кодйӧм бӧрын локтісны да шуисны, аддзим пӧ ва.
Вотӧссӧ гожӧмнас чукӧртысь – мывкыд морт, а вундан кадӧ узьысь асьсӧ янӧдӧ.
Лышкыда сетысьлы содӧ, топыд морт ӧтарӧ гӧльмӧ.
Зіль морт пондас юравны, дыш мортлы быть ковмас уджавны.
Дыш мортыд пӧтка яйтӧ оз сёй, а зіль мортыдлӧн эмбурыс вывті уна.
Дыш морт унатор кӧсйӧ, но весьшӧрӧ, зіль мортлӧн кӧсйӧмыс збыльмӧ.
Суклясьысьлӧн кывъясыс чӧскыдӧсь, кынӧм пытшкӧдзыд пырӧны.
Дышӧдчигад унзіль личкывлӧ, дыш морттӧ тшыгъялӧм суӧ.
Дышӧдчысь босьтӧ тасьтісьыс сёянсӧ, но кисӧ вомӧдзыс оз кӧсйы лэптыны.
Узьнытӧ кӧ радейтан – гӧльман, синтӧ кӧ он куньлы – пӧттӧдзыд сёян.
Дыш мортыд пуктысян кадӧ оз гӧр, и вундан кадӧ нинӧм оз босьт.
Мортыд мырсьӧм-зільӧмнас унатор судзӧдӧ, а тэрмасьӧмӧн кӧ вӧчӧ, унатор воштӧ.
Дышлӧн йиркыс ӧшалӧ, кисӧ сюркнялӧмӧн пукалысьлӧн керка вевтыс письтӧ.
Энӧ тӧждысьӧй бырана сёян вӧсна, а тӧждысьӧй помтӧм олӧмсӧ сетысь сёян вӧсна. Тайӧ сёянсӧ сетас тіянлы Морт Пи, кодӧс пасйӧма Ачыс Ен Бать».
Муса вокъяс, сулалӧй зумыда да вӧрзьывтӧг. Быд кадӧ кесъялӧй Господьлы сьӧлӧмсяньныд. Тӧдӧй, мый ті кесъяланныд Господьлы онӧ весьшӧрӧ.
