Шусьӧгъяс 10:20 - Коми Библия 2023

²⁰ Веськыда олысьлӧн кывйыс весалӧм эзысь кодь, лёк вӧчысьлӧн мӧвпъясыс грӧш ни дон оз сулавны.

Шусьӧгъяс 10:20 Iomraidhean Croise

Олӧм 6:5

Кор Господь [Ен] аддзис, мый мувывса йӧзлӧн олӧмыс тшыкӧма, и мый налӧн мӧвпъясыс да сьӧлӧм кӧсйӧмъясыс пыр лёкӧсь,

Олӧм 8:21

Висьпуктанінсянь чӧскыд ӧвтӧмнас лолалігӧн Господь [Ен] шуис Аслыс: «Ог кут сэсся ёрны мусӧ морт вӧсна. Мортлӧн мӧвпъясыс томсяньыс тырӧмаӧсь лёкнас, но водзӧ Ме ог кут бырӧдны став ловъя олысьсӧ, кыдзи Ме вӧчи.

Шусьӧгъяс 12:18

Думышттӧг шуӧмыд шыпурт моз сатшкӧ, а мывкыд мортлӧн сёрниыс бурдӧдӧ.

Шусьӧгъяс 15:4

Мелі сёрни олӧм вайӧ, а ылӧг сёрни ловтӧ жугӧдӧ.

Шусьӧгъяс 16:13

Ӧксылы шогмана веськыда сёрнитысь, сылы муса збыльсӧ висьталысь.

Шусьӧгъяс 20:15

Эм зарни, эмӧсь дона изъяс, но медся донаыс – мывкыд сёрни.

Шусьӧгъяс 23:7

Сійӧ шуӧ, сёй пӧ да ю, а сьӧлӧмнас абу тэкӧд.

Шусьӧгъяс 8:19

Менам вотӧсӧй сӧстӧм зарниысь бурджык, менам козинӧй весалӧм эзысь дорысь донаджык.

Еремей 17:9

Мортлӧн сьӧлӧмыс наян, сійӧс он вермы вежнысӧ. Коді тӧдӧ мортлысь сьӧлӧмсӧ?