Шусьӧгъяс 1:33 - Коми Библия 2023

³³ Но менӧ кывзысь пондас овны повтӧг да лӧня, сылы оз ков повны лёксьыс».

Шусьӧгъяс 1:33 Iomraidhean Croise

Иов 36:11

Кывзасны кӧ да пондасны кесъявны Сылы, сэки олан лунъясыс налӧн лоӧны шудаӧсь, олан нэмыс тырас нимкодьлунӧн.

Шусьӧгъяс 12:21

Веськыда олысьӧс лёкыс оз су, а лёк вӧчысьлӧн олӧмыс тырӧма шогнас.

Шусьӧгъяс 14:26

Господьысь полӧмыс – тэнад зумыд лачаыд, Сыысь полӧмыс видзас тшӧтш тэнсьыд ныв-питӧ.

Шусьӧгъяс 9:11

Ме, мывкыдлуныс, олан лунъястӧ тэнсьыд содта, олан воястӧ тэнсьыд нюжӧда.

Еклесиаст 8:12

Мыжа морт вӧчӧ лёксӧ сё пӧвстӧн да сирасьӧ сэтчӧ. Но ме тӧда, мый Енсьыс полысьлы аслас вежавидзӧм вӧсна бур лоӧ.

Исай 26:3

Кодлӧн лолыс зумыд, сійӧс Тэ видзан тырвыйӧ лӧньлунас, ӧд Тэ вылӧ сійӧ лача кутӧ.

Исай 32:17

Веськыдлуныс ваяс лӧнь олӧм, лӧньлун да повтӧмлун нэмъяс кежлӧ.

Исай 48:18

Тэ кӧ олін Менам тшӧктӧмъясӧй серти, сэки эськӧ тэнад лӧньлуныд ю моз визувтіс, веськыдлуныд саридзвыв гыяс кодь вӧлі,

Исай 55:3

Локтӧй Ме дінӧ, сюся кывзӧй Менӧ! Кывзӧй Менӧ, и ті кутанныд овны! Давид дінӧ вежсьывлытӧм буралӧмӧй вӧсна Ме кӧртала тіянкӧд пыр кежлӧ йитӧд.

Левит 25:18

Кутчысьӧй Менам индӧд-тшӧктӧмъясӧ, олӧй на серти, и ті кутанныд повтӧг овны асланыд муын.

Левит 25:19

Муыс кутас сетны быдтас, тіян сёянныд пӧтмӧн лоӧ, и ті кутанныд повтӧг овны.

Матвей 17:5

Петырлӧн сёрнитігкості югыд кымӧр вевттис найӧс, кымӧрсянь кыліс гӧлӧс шы: «Тайӧ Менам муса Пиӧй, Ме нимкодяся Сыӧн. Сійӧс кывзӧй».

Лука 21:19

Сьӧкыдлунсӧ венӧмӧн ті мезданныд ловнытӧ».

Лука 21:9

Кор ті кыланныд тышъяс да шызьӧмъяс йылысь, энӧ повзьӧй. Тадзи водзджык колӧ лонысӧ, но тайӧ абу на пом».

1 Петыр 1:5

Эскӧм вӧсна Енлӧн выныс видзӧ тіянӧс мездмӧм вылӧ, и тайӧ мездмӧмыс воссяс бӧръя кадас.