Римӧ 8:5 - Коми Библия 2023

⁵ Вир-яй серти олысьлӧн – тшыкӧм мӧвпъяс, а Лов серти олысьлӧн – Ловсянь мӧвпъяс.

Римӧ 8:5 Iomraidhean Croise

Марк 8:33

Велӧдчысьяслань бергӧдчӧмӧн Исус чорыда вомаліс Петырӧс: «Вешйы Ме дінысь, сӧтана! Тэнад мӧвпъясыд мортсянь, абу Енсянь».

Иоан 3:6

Вир-яйсянь чужысь эм вир-яй, а Ловсянь чужысь эм лов.

Римӧ 8:9

Тіян пытшкын кӧ збыльысь олӧ Енлӧн Лолыс, сідзкӧ, ті Лов веськӧдлӧм улынӧсь, абу вир-яйлӧн ыджыдалӧм улынӧсь. Код пытшкын абу Кристослӧн Лолыс, сійӧ абу Сылӧн.

1 Коринфӧ 15:48

Сідзкӧ, мувывса олысьяс ӧткодьӧсь муысь вӧчӧмторйыскӧд, а енэжвывса олысьяс ӧткодьӧсь енэжсянь Локтысьыскӧд.

1 Коринфӧ 2:14

Морт пытшкас кӧ абу Енлӧн Лолыс, сійӧ оз вермы сибӧдны Ловсянь висьталӧмсӧ да лыддьӧ тайӧс йӧйталӧмӧн. Мортыс оз вермы гӧгӧрвоны висьталӧмсӧ, ӧд тайӧс позьӧ донъявны сӧмын Енлӧн Лолыс отсӧгӧн.

2 Коринфӧ 10:3

Кӧть ми олам тайӧ муюгыдас, но вермасям огӧ муюгыдсаыс моз.

Галатӧ 5:17

Ӧд вир-яй кӧсйӧ, мый Лов оз кӧсйы, а Лов кӧсйӧ, мый вир-яй оз кӧсйы. Найӧ паныд сувтӧны ӧта-мӧдныслы. Та вӧсна ті онӧ вермӧй вӧчны кӧсъянасӧ.

Ефесӧ 5:9

Ӧд Ловлӧн вотӧсыс – бурлун, веськыдлун да збыльлун.

2 Петыр 2:10

Торъя нин тайӧ инмӧ вир-яйлӧн лёк кӧсйӧмнас пежасьӧмаяслы да Енлысь Юралӧмсӧ мустӧмтысьяслы. Найӧ яндысьтӧмӧсь, асныраӧсь да оз повны лёкӧдны енэжвывса юралысь-веськӧдлысьясӧс.