14 Кодъясӧс нуӧдӧ Енлӧн Лолыс, найӧ Енлӧн ныв-пи.
Тэ мездан ӧксыясӧс, Ассьыд Давид кесйӧгтӧ Тэ мездан лэчыд шыпуртысь.
Ме ветла веськыдлуныслӧн туйӧд, веськыда вӧчӧмыслӧн ордымӧд,
– Израиль войтырлӧн лыдыс лоӧ саридздор лыа мында, найӧс некод оз вермы лыддьыны-артавны. Кӧні вӧлі шуӧма налы: «Ті абу Менам войтыр», сэні налы шуасны: «Ті – ловъя Енлӧн ныв-пи».
Шудаӧсь йӧзӧс бурӧдысьяс, ӧд найӧс Енлӧн ныв-пиӧн шуасны.
Сійӧс сибӧдысьяслы, Сылы эскысьяслы, Сійӧ сетіс лоны Енлӧн ныв-пиӧн.
Енлӧн став вӧчӧмторйыс ёна виччысьӧ Ен ныв-пилысь воссьӧмсӧ.
Вир-яй серти олысьлӧн – тшыкӧм мӧвпъяс, а Лов серти олысьлӧн – Ловсянь мӧвпъяс.
Тіян пытшкын кӧ збыльысь олӧ Енлӧн Лолыс, сідзкӧ, ті Лов веськӧдлӧм улынӧсь, абу вир-яйлӧн ыджыдалӧм улынӧсь. Код пытшкын абу Кристослӧн Лолыс, сійӧ абу Сылӧн.
Кӧні вӧлі шуӧма: «Ті абу Менам войтыр», сэні найӧс шуасны ловъя Енлӧн ныв-пиӧн.
Сідзкӧ, Енлӧн ныв-пиыс абу мортсянь, но Ен кӧсйысьӧмсянь чужысьяс.
Ме лоа тіянлы Батьӧн, а ті – Меным ныв-пиӧн, – висьталӧ Господь, Ставсӧвермысь.
Исус Кристослы эскӧм пыр ті ставныд – Енлӧн ныв-пи.
медым ньӧбны Индӧд улын олысьясӧс, босьтны миянӧс ныв-пи пыдди.
Ӧні ті Енмыслӧн ныв-пи. Та вӧсна Ен сетіс сьӧлӧманыд Пиыслысь Ловсӧ. Тайӧ Лолыс шыасьӧ: «Авва, Батьӧй!»
Висьтала тіянлы: олӧй Лов серти, сэки вир-яйлысь кӧсйӧмсӧ онӧ могмӧдӧй.
Тіянӧн кӧ Лов веськӧдлӧ, сідзкӧ, ті абу Индӧд улынӧсь.
та вӧсна Сійӧ водзвыв шуис босьтны миянӧс Исус Кристос пыр Аслыс ныв-пиӧ. Татшӧм Енмыслӧн бур кӧсйӧмыс.
Ӧд Ловлӧн вотӧсыс – бурлун, веськыдлун да збыльлун.
Видзӧдӧй, кутшӧм мусаӧсь ми Батьлы: Сійӧ сетіс миянлы лоны да шусьыны Енлӧн ныв-пиӧн. Муюгыдсаыс оз тӧд миянӧс, Сійӧс оз тӧд да.
Коді кутчысьӧ Сылӧн тшӧктӧмъясӧ, сійӧ олӧ Кристос пытшкын, а Кристос – сы пытшкын. Ловсянь, кодӧс Кристос сетіс миянлы, ми тӧдам, мый Сійӧ миян пытшкын.
Вермысьлы Ме сета тайӧс ставсӧ. Ме лоа сылӧн Енмӧн, а сійӧ – Менам пиӧн.
