Римӧ 8:1 - Коми Библия 2023

¹ Сідзкӧ, ӧні абу некутшӧм мыждӧм Исус Кристос пытшкын олысьяслы, кодъяс олӧны Лов серти, а оз вир-яй серти.

Римӧ 8:1 Iomraidhean Croise

Исай 54:17

Но ни ӧти тышкасянтор, мый вӧчӧма тэныд паныд, оз вермы тэнӧ. Быдӧнӧс, коді мыжалӧ тэнӧ, тэ ачыд мыждан. Тадзи лоӧ Господьлӧн кесйӧгъяскӧд. Ме вӧча найӧс веськыдӧн, – висьталӧ Господь.

Езекиль 18:9

Сійӧ сьӧлӧмсяньыс олӧ Менам индӧд-тшӧктӧмъяс серти. Сійӧ – веськыда олысь, и овны кутас, – висьталӧ Господь Ыджыдыс.

Иоан 14:20

Сійӧ лунӧ ті тӧдмаланныд, мый Ме – Бать пытшкын, ті – Ме пытшкынӧсь, а Ме – тіян пытшкын.

Иоан 15:4

Лоӧй Ме пытшкын, и Ме лоа тіян пытшкын. Увйыс кӧ абу йитчӧма пуыскӧд, ачыс сійӧ оз вермы вайны вотӧссӧ. Ті тшӧтш онӧ вермӧй вайны вотӧссӧ, онӧ кӧ лоӧй Ме пытшкын.

Иоан 5:24

Веськыда, веськыда висьтала тіянлы: коді кывзӧ Менсьым кывъясӧс да эскӧ Менӧ Мӧдӧдысьлы, сылӧн эм помтӧм олӧм. Сійӧс оз кутны мыждыны, кулӧмсьыс сійӧ вуджис нин олӧмас.

Римӧ 16:3

Висьталӧй чолӧм Прискиллалы да Акиллы. Найӧ мекӧд ӧтвыв кесъялӧны Исус Кристослы.

Римӧ 16:7

Чолӧм менам войтырысь Андрониклы да Юниялы, кодъяскӧд ме пукавлі дзескыдінын. Найӧ пыдди пуктана йӧз апостолъяс пӧвстын, и найӧ меысь водз эскисны Кристослы.

Римӧ 5:1

Сідзкӧ, эскӧм вӧсна миянӧс шуӧма веськыдӧн, Исус Кристос Господьным пыр миян эм Енкӧд бурасьӧм.

Римӧ 5:16

Буралӧмсӧ оз позь ӧткодявны ӧти мортлӧн мыж вӧчӧмкӧд. Ӧд ӧтилӧн мыж вӧчӧм вӧсна локтіс мыждӧм, а буралӧмсӧ сетӧма, медым уна мыжа йӧзӧс вӧчны веськыдӧн.

Римӧ 7:17

Збыльвылас, ог ме тайӧс вӧч, но ме пытшкын олысь мыжыс вӧчӧ.

Римӧ 7:20

Ме кӧ вӧча кӧсйытӧмсӧ, сідзкӧ, сійӧс ог нин ме вӧч, но ме пытшкын олысь мыжыс вӧчӧ.

Римӧ 8:11

Тіян пытшкын кӧ олӧ Енлӧн Лолыс, коді ловзьӧдіс Исусӧс кулӧмысь, сідзкӧ, Кристосӧс Ловзьӧдысь ловзьӧдас тшӧтш тіянлысь кулана вир-яйнытӧ сійӧ Ловнас, коді олӧ тіян пытшкын.

Римӧ 8:14

Кодъясӧс нуӧдӧ Енлӧн Лолыс, найӧ Енлӧн ныв-пи.

Римӧ 8:2

Ӧд Ловлӧн индӧдыс, мый сетӧ олӧм Исус Кристос пытшкын, мездіс менӧ мыжыслӧн да кулӧмыслӧн индӧдысь.

Римӧ 8:34

Коді вермас мыждыны найӧс? Сӧмын Исус Кристос. Но Сійӧ куліс, ловзис да ӧні Ен веськыдладорын кевмысьӧ миян вӧсна.

Римӧ 8:39

пыдтаыс ни судтаыс, – некутшӧм вӧчӧмтор оз вермы торйӧдны миянӧс Ен муслунысь, мый восьтӧма миянлы Исус Кристос Господьным пыр.

Римӧ 8:4

медым Индӧдас висьталӧм веськыдлуныс збыльмис миян пытшкын, кодъясӧн веськӧдлӧ Лолыс, а оз вир-яйыс.

Римӧ 8:9

Тіян пытшкын кӧ збыльысь олӧ Енлӧн Лолыс, сідзкӧ, ті Лов веськӧдлӧм улынӧсь, абу вир-яйлӧн ыджыдалӧм улынӧсь. Код пытшкын абу Кристослӧн Лолыс, сійӧ абу Сылӧн.

1 Коринфӧ 1:30

Енмыс йитіс тіянӧс Исус Кристоскӧд, коді лои миянлы мывкыдлуннас. Сы пыр Енмыс вештысис миян вӧсна, вӧчис миянӧс веськыдӧн да вежа войтырӧн.

1 Коринфӧ 15:22

Адамсянь лоис став йӧзлы кулӧмыс, Кристоссянь лоӧ став йӧзлы ловзьӧмыс.

2 Коринфӧ 12:2

Тӧда ӧти мортӧс, Кристослы эскысьӧс, кодӧс дас нёль во сайын вӧлі кыпӧдӧма коймӧд енэжас. Вир-яйын-ӧ сійӧ вӧлі, лолын-ӧ, ме ог тӧд, Ен тӧдӧ.

2 Коринфӧ 5:17

Сідзкӧ, коді Кристос пытшкын, сійӧ – выль олысь. Важыс кольӧма, ӧні ставыс выль.

Галатӧ 3:13

Кристос ньӧбис миянӧс Индӧдыслӧн ёрӧм улысь, кор Сійӧс вӧлі ёрӧма миян пыдди. Ӧд гижӧма: «Ёрӧма быдӧнӧс, кодӧс ӧшӧдӧма пу вылӧ».

Галатӧ 3:26

Исус Кристослы эскӧм пыр ті ставныд – Енлӧн ныв-пи.

Галатӧ 3:28

Иудей-ӧ тэ либӧ грек, кесйӧг-ӧ либӧ мездлуна морт, айлов-ӧ либӧ ань – Исус Кристос пытшкын торъялӧмыс абу.

Галатӧ 5:16

Висьтала тіянлы: олӧй Лов серти, сэки вир-яйлысь кӧсйӧмсӧ онӧ могмӧдӧй.

Галатӧ 5:25

Олам кӧ Лов серти, Ловлысь кӧсйӧмсӧ вӧчам.

Ефесӧ 1:1

Гижӧ Павел, Ен кӧсйӧм серти Исус Кристослӧн апостол. Чолӧмала тіянӧс, Ефес карын олысьясӧс, Исус Кристослы эскысь вежа войтырӧс.

Филипӧ 3:9

да лои Сы пытшкын веськыдӧн эг Индӧд серти уджъясӧй вӧсна, а Кристослы эскӧм вӧсна. Ӧд веськыдлунсӧ Енмыс сетӧ мортлы сӧмын Кристослы эскӧм пыр.