Римӧ 5:9 - Коми Библия 2023

⁹ Ӧні Кристослӧн вирыс пыр миянӧс шуӧма веськыдӧн, сідзкӧ, дерт нин, Кристос пыр ми мынам локтана скӧрлунысь.

Римӧ 5:9 Iomraidhean Croise

Иоан 5:24

Веськыда, веськыда висьтала тіянлы: коді кывзӧ Менсьым кывъясӧс да эскӧ Менӧ Мӧдӧдысьлы, сылӧн эм помтӧм олӧм. Сійӧс оз кутны мыждыны, кулӧмсьыс сійӧ вуджис нин олӧмас.

Римӧ 1:18

Ентӧг олӧм вылӧ да лёк вӧчӧм вылӧ лэччӧ енэжсянь Енлӧн скӧрлуныс, ӧд йӧзыс лёк вӧчӧмнас пӧдтӧны збыльсӧ.

Римӧ 5:1

Сідзкӧ, эскӧм вӧсна миянӧс шуӧма веськыдӧн, Исус Кристос Господьным пыр миян эм Енкӧд бурасьӧм.

Римӧ 5:10

Ми кӧ, Енмыслы коркӧя паныд сувтысьяс, бурасим Сыкӧд Пиыслӧн кулӧм пыр, дерт нин, ӧні ми, бурасьӧмаяс, мездмам Кристослӧн олӧм пыр.

Римӧ 8:1

Сідзкӧ, ӧні абу некутшӧм мыждӧм Исус Кристос пытшкын олысьяслы, кодъяс олӧны Лов серти, а оз вир-яй серти.

Римӧ 8:30

Кодъясӧс Сійӧ водзысяньыс лӧсьӧдіс, найӧс и корис, кодъясӧс корис, найӧс и вӧчис веськыдӧн, кодъясӧс вӧчис веськыдӧн, найӧс и мичмӧдіс Аслас дзирдлунӧн.

Ефесӧ 2:13

Коркӧ ті вӧлінныд ылынӧсь Енсьыс, ӧні ті Исус Кристос пытшкынӧсь. Сылӧн вирыс матыстіс тіянӧс Ен дінас.

Ефесӧ 2:3

Коркӧ ми ставным вӧлім на кодьӧсь: олім шогмытӧма, вир-яйлӧн кӧсйӧм серти. Татшӧм оласногысь миянӧс мукӧдсӧ моз виччысис Енлӧн скӧрлуныс.

1 Фессалоникаӧ 1:10

и виччысьны енэжсянь Енлысь Писӧ – Исусӧс, кодӧс Енмыс ловзьӧдіс кулӧмысь. Сійӧ мездас миянӧс локтана скӧрлунысь.

Еврейяслы 9:14

сідзкӧ, кымын пӧв ёнджыка сӧстӧммӧдӧ Кристослӧн вирыс! Вежа Лов вынӧн Кристос вайис Асьсӧ Енлы сӧстӧм вись пыдди. Та вӧсна Сылӧн вирыс мыськалӧ миянлысь сьӧлӧмнымӧс кулӧмӧ вайӧдысь лёк вӧчӧмсьыным, медым ми вермим кесъявны збыль да ловъя Енлы.

Еврейяслы 9:22

Индӧд серти унджыкыс сӧстӧммӧ вирӧн, и вир кисьттӧг оз вермы лоны мыжсӧ прӧститӧмыс.

1 Иоан 1:7

Сы моз кӧ югыдас ветлам, сэки миян эм ӧта-мӧдкӧд ӧтувтчӧм, сэки Исус Кристос Ен Пилӧн вирыс сӧстӧммӧдӧ миянӧс быдпӧлӧс мыжысь.